YEGIL MBAAX NE YEESU ne Lik a bindtuuna 17:2 - NQAARIIT NE ROOG

² Oxeene kiin a rokel ɓil unir no cok soo a deɓel no maag olaa moƴu no ten ee ta tolofnooraa o leng na xa teɓaandoong axeene ngimna na mi.

YEGIL MBAAX NE YEESU ne Lik a bindtuuna 17:2 Referans Kwoze

Mark 9:42

«Oxuu tolofnoorna o leng na xa teɓandoong axene ngimna na mi, kaa moƴna no xeene kiin ta rokel ɓil unir no cok soo a deɓel no maag olaa.

Mace 18:14

Naaga koy Faap nuun fee na asamaan a bugteeru o leng na xa teɓandoong axene a mo.»

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

1 Korint 9:22

A ndeer no we neewna doole, kaam fi’aa nen o neewu doole, ndax da ngim itam. Kaam jaɓ o ref fop mbaambir no fop, ndax mayu a muc, nuu ta saxitna saxit.

Mace 26:24

O Ƥeenqe no kiin oxe xan a xon, ne a Pind a Tedu ke a laytuuna no ten. Kaa koy, ndaw sabab took no xe na ɓoxotkaa o Ƥeenqe no kiin oxe. Ñak’el o rim sax moƴ’u no ten.»

1 Korint 9:15

Mi koy, no bargal keene fop, jegee leng na den naa waaƭuuma, too bindiim keene ndax um hapit a den. Um xon sax moƴanaxam o ñak fak es leene.

YEGIL MBAAX NE YEESU ne Saŋ a bindtuuna 21:15

Yaa da ñaktooxna boo a ƈut, Yeesu a laamta a Simoŋ Piyeer ee: «Simoŋ, o ƥiy Saŋ, ndax o mbeq of fa mi hupu o mbeq no weeke fa mi?» A doonaan ee: «Iyo moos, o Yaal oxe, andaa yee fexaaxoong.» Yeesu a layaan ee: «Topatooxi fo mbaal es.»

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

Mace 17:27

Kaa koy ndax njegkee kaa da layaa, reti no maag olaa. Deɓi o jaar, too sut liƥ ne o eetkaa o dam. Yaƥatneen, too xan o ga o xanjar. Jangeen cooxin a den, ta ref ndabid in, mi fa wo.»