YEGIL MBAAX NE YEESU ne Lik a bindtuuna 17:14 - NQAARIIT NE ROOG

¹⁴ Yaa ta ga’na a den, a laya yee: «Ndetyo maa no saasadax waa, ndax da nga a nuun.» Yaa da ndetaa, a mbodta na ƭat ale.

YEGIL MBAAX NE YEESU ne Lik a bindtuuna 17:14 Referans Kwoze

YEGIL MBAAX NE YEESU ne Lik a bindtuuna 5:14

Maaga, Yeesu a maƭooxaan ee: «Wootooxi layin o kiin o lakas. Reti laltinook maa no saasadax oxaa, too sadaxit ke Moyiis a hebilna we nqoolandeena, ndax fop a seede yee xoolaa.»

2 Maad we 5:14

Maaga, Naaman a fudooxa no xuluɓ olaa Yordaan, a mudnoox taaga boo a caf ɓetaa ƭaq, ne o kiin Roog oxaa a heblit’uuna o ten, soo cer um a suptoox, a nandat nen cer no njaaƈ, ta xool.

Mace 3:15

Took kaaga, Yeesu a doonaan ee: «Jaɓi rek, yaam i mbara o mbadnit nene o cofel ole Roog fop.» Maaga, Saŋ a jaɓa.

YEGIL MBAAX NE YEESU ne Saŋ a bindtuuna 11:10

Oxuu na ñaaƴaa o yeng koy, ñakkee o tolof, yaam a qoolaand a leng widiran.»

YEGIL MBAAX NE YEESU ne Saŋ a bindtuuna 9:7

a layin ee: «Reti muktook no Ul olaa Silowe.» (Silowe kaa tekit «Oxe luleena».) O qoyaa a reta, a muktoox, too yaa ta gatna, a kid um a ƭeeta jar.

YEGIL MBAAX NE YEESU ne Saŋ a bindtuuna 2:5

Ya um oo a laya dag waa yee: «Kuu ta layna a nuun, fat nu mbi’in!»

Esayi 65:24

Boo da ngelko fo nqoyaxam sax, mi, xam jaaɓ a den, too boo da ngelko fo muukaa a qeƭ den, a soƥa jaɓaanum yaaga.