YEGIL MBAAX NE YEESU ne Lik a bindtuuna 16:9 - NQAARIIT NE ROOG

⁹ Ten taxu mexe layaa a nuun ee: Nqaariitoorityo kalal leweer ke na adna fee, ndax a kasaara’ooxangaa, nu njaɓel kam pind paafkeer kaa.

YEGIL MBAAX NE YEESU ne Lik a bindtuuna 16:9 Referans Kwoze

Mace 19:21

Yeesu a layaan ee: «O bugangaa o ñak sik, reti jikoox kaa jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

Dañel 4:27

too a laya yee: «Ndax meeke refee Babilon fa maak fee maxtuuma doole es, ta ref teeru no maad fee mi, a laltaa o niwel es fo o ndam es?»

YEGIL MBAAX NE YEESU ne Lik a bindtuuna 16:11

Boo nu ngore’eerna no kalal leweer ke na adna fee, an na doxinkaa a nuun kalal tigil ke?

Xa peƭit axe 19:17

Oxe na yirmaa o ndool onqe, o Yaal oxe a rawnaa, too xan a rabdin a pi um.

YEGIL MBAAX NE YEESU ne Lik a bindtuuna 14:14

O naagangaa o fi’taa neene, ɗaayaa. Yaam ne weene a mbaagkeeroonga o ndabid, xan Roog a rabdong, yaa jofu we a nqontooxkaa.»

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

YEGIL MBAAX NE YEESU ne Lik a bindtuuna 16:13

Surga fa leng waagee o dagoox yaal ɗik, yaam yaaga xan a fex oxene, soo a fañ oxaana mbaat ta damoox no xene, soo a sib oxe yoqna. Nu mbaagee o mbug o ndagoox a Roog, soo mbug o ndagoox Xaaliis.»

A pi ake 10:31

a layaam ee: ‹Korney, Roog a nana a qeƭ of, too a wetandooxa sadax ke o fi’aa.

Mace 6:19

«Ba nu mbokatanoox halal na adna fee me max ke fo nqoy ke a yaqtaa, soo guuɗ we ndaƈtaa, a nguuɗaa.

Yudaa 1:21

Ndamooxyo kam o mbeq onqe Roog, ngen no cungaa yaa o Yaal in Yeesu Kiristaa kam o paaxel um a cooxkaa a nuun o ñoow o fagkeer ole.

A pi ake 10:4

Korney a naaga malaaka faa jak a kid kam a kid, a diid bo. A doonaan ee: «O Yaal oxe, xar oo koy?» Maaga, malaaka fee a layaan ee: «A qeƭ ake wo fo sadax ke wo a mbadiida boo mbaambir Roog, too a wetandooxa a den.

O baawaare xe 11:1

Lulti ñaamel of kaltaa poofi ke, yaam a miñ miñ xan o daawatinin.

Xa peƭit axe 23:5

A kid of a ngaanangaa teen, ta naag mes, yaam halal o mat kaa saxaa a nafir, a yet fir farna fa asamaan nen a canjiik.

Esayi 57:16

Bugiim o jambaa rek fañ o waas, mbaat um gen no fuux cay. Mbaat tooxen fop we sakuuma a ñakkooga o ñis den.

A kim a tedu ke 73:26

Cer es fo xeeñ es a ngeesangaa sax oo, Roog xan a ref ndamlooxand es fo a las es boo kili.

YEGIL MBAAX NE YEESU ne Lik a bindtuuna 16:4

Aa! Ndiiki andaam ke waruuma o fi, ndax wiin we a ndalnaxam no pind den, yaa raxeema no calel ke mi.›

Xa peƭit axe 14:24

Halal fee kaa ref o ndip no we njegna yiif, o ƥodaxel a ref a ƈang no panxoy ke.