YEGIL MBAAX NE YEESU ne Lik a bindtuuna 16:22 - NQAARIIT NE ROOG

²² Na bes fa leng, o ndool onqe a xona, too malaaka ke a ƥisaan ta ɓopnook a Abraham. O yaal halal oxe itam a xona, a gasel.

YEGIL MBAAX NE YEESU ne Lik a bindtuuna 16:22 Referans Kwoze

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

Saak 1:11

Njeeƈ ne a sumangaa, kaa doxaa piɗ ke, a naf ake a ƥooroox, piɗ ke a sam, o mosel den a mo. Neene o yaal halal oxe a sooƴitkaa kam kos-kos um.

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

YEGIL MBAAX NE YEESU ne Saŋ a bindtuuna 13:23

O leng no daalbe we refna ref oxe Yeesu a fex’ina bo, kaa moof’u paam Yeesu.

Mark 8:36

Xar a jiriiñkaa o kiin ta jeg adna fee fop yaa ta ñakna o laaw um?

O baawaare xe 8:10

Maaga, ga’aam soxodu we a ƥiseel no poy den, a nqottel no mbiñ o tedu nqe, soo paaxeer ke da mbi’’ina fop a mbeectel kam teeru fee. Keene kasaara a refahinu.

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

Mace 24:31

Xan a luliid malaaka ke ten fo a luuƥ ale na bugko jibaa a maak, too xan a mbokat we ta jilna na xa saax xa nahaq axe, kaa xotitna no cat boo no cat asamaan.»

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Ke bindeena no xe ne’eena YOB 21:13

Ñaal ke den fop no ɗaay a ndefan, a nqaadaa jaaniif too ñadkee.

Hebre 2:14

Yaaga koy, ne xa teɓandoong axeene a ndefna cer fo fo’oy, Yeesu fa xoox um a refaan nen a den, a fog fa den o mem no kiin. A fi’aan, ndax na pexey fa nqon um ta saŋik o ƈiƴ oxe jegna doole fa nqon.

YEGIL MBAAX NE YEESU ne Saŋ a bindtuuna 21:20

Yaa Piyeer a reefanaa a Yeesu, a wiƈaqilooxa, a ga o taalbe xe Yeesu a fex’ina a reefanaa a den. Oxeene reeƭu oxe moof’ina paam Yeesu na cu’ax a palakaand alaa, too a laamit’un ee: «O Yaal oxe, an na ɓoxotkang?»

YEGIL MBAAX NE YEESU ne Lik a bindtuuna 12:20

Kaa koy, Roog a layaan ee: ‹Nawtul fene! O yeng oleeke sax sax xan o ñis of a xuufel, too yaaga boog an na jegkaa ke geeroona?›

Mace 8:11

Ten taxu, mexe layaa a nuun ee xan mayu a inoor no batand fo no mudand too xan a mbog o roon fa Abraham fa Isaak fa Yakoob kam Maat ne na asamaan.

Esayi 22:16

‹Xar jego mene, ndi xar fogtee meen boo gasnaa mene a mboy of? A mboy of aley gaseel took, woxey sexnaa ngenand mbalakaand of no ɓil le.

Esayi 14:18

Maad we na saax ake fop owe mbondooxa fo o niwel, oxuu refna na mboy um.

YEGIL MBAAX NE YEESU ne Lik a bindtuuna 16:21

A bugooga o ñaam pep ke samtoogna no roon ole no yaal halal oxe. Xa ƥox axe sax kaa metoogu a ƭoy ake no kiin oxeene.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.