YEGIL MBAAX NE YEESU ne Lik a bindtuuna 16:19 - NQAARIIT NE ROOG

¹⁹ «A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.

YEGIL MBAAX NE YEESU ne Lik a bindtuuna 16:19 Referans Kwoze

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Heseki’el 27:7

A maaw ake wo kaa ndeeƭu paƴ ke Misira, a ngemeñel soo a ndef paƴ of. Haŋik fa nqiiyiiy fo haŋik fa yeeq fee na pimb ake Elisa ndeeƭu ƭiif ke wo.

Mbeeñil 18:16

a lay ee: «Sabab! Koo ndaw sabab na teeru fa maak fee! Kaa rokoox’u sooy fo daalde mosu, a yipoox wurus bo, a may fo a ƥil a cafeñu fo xa peme!

Mbeeñil 18:7

Ndoonyo took um ƭomu fo toroxand kaa mbodirna fo o ndam onqe fo o neq ole ta jeg’ina. Kaa layooxaa yee: ‹Kaam moof mene nen o maad o tew. Refiim o ñaaw too andkiim ke ñaaw a refna boo muk.›

Mbeeñil 17:4

O tew oxe koy kaa rokoox’u ndoki daalde mosu, soo a yipoox wurus fo a ƥil a cafeñu a mosu fo xa peme. A deegoox’a itam o mbeeƭ wurus onqaa mayna fo cednooxu ƥor ke ta seeqtaa.

YEGIL MBAAX NE YEESU ne Lik a bindtuuna 16:1

Yeesu a layahina daalbe we ten ee: «A jeg’a o kiin oxaa jegna halal, a doxnin o paɗ um. O paɗ oxaaga a hoƥatit’e, yaam ne ta ñaam’ina halal no yaal mbind um.

Mark 15:17

a ndokan a Yeesu lori yaxgu coy, a ndiw o ndip kiƈ, soo a ndokanin o ten no xoox.

Heseki’el 16:13

Heloortaa wurus fa xaaliis, soo rokoox njoor fo suwaa fo piis ngemeñe. Kaa o ñoowtaa mbiɗel moku fo suum fo diwliin. Mosataa lool too jagaa fo maat.

Esteer 8:15

Mordokay a inoora maa no maad oxaa, a rokoox ndoki no maad naa xiiyiiyna, kene a ranig fo o ndip wurus o maak fo sabadoor njoor naa daalde’na. Muu refna kam teeru faa Suusaan xa ƈeel fo xa soroxole kaa njiboogu.

Haahate we 8:26

Xa keɗ wurus axe Gedeyon a laacna, a mbi’’a ngap kilo qarɓeen ƭik, too kumooxel ke saxitna nen o nqool o ndeɓ fo xa loŋ-loŋ axe fo tikoorik yaxgu ke maad we no Maamajan we a ndokoox’ina fo ceq ke ndok’eena na xa cok axe no keeleemb ke den limtaand.

YEGIL MBAAX NE YEESU ne Lik a bindtuuna 15:13

A cinj ñaal leng-leng, o ndeɓ onqe a sofa ke ta jegna fop fa xaaliis, soo a ret fo ten no saax goƭu. Maaga, a ñoowooga no kaa feluuna, a yaq ke ta lam’ina fop.

Mark 15:20

Yaa da nqaadnooxuuna boo a ƈut, a mbola lori yaxgu coy naa, soo a ndaknin tikoorik um. Cinj kaaga, a ƥisaan tafil, ndax da ndengin na kurwaa.

Xa peƭit axe 31:22

Kaa fi’anaa a xoox um kulooxel, a rokooxaa tikoorik pi’te gaare fo kaa yaxigna coy.

YEGIL MBAAX NE YEESU ne Lik a bindtuuna 16:18

Oxuu waasna o teem, soo a gilig o lakas, a seeqa fo ten, too oxuu giligna o tew o baase, a seeqa itam.»

YEGIL MBAAX NE YEESU ne Lik a bindtuuna 16:20

A jeg’a itam o ndool o ne’e Lasaar, oxaa andoona yee kaa wondooxoogu paam begax ne no yaal halal oxe, a jeg a ƭoy a mayu.

Xa peƭit axe 14:24

Halal fee kaa ref o ndip no we njegna yiif, o ƥodaxel a ref a ƈang no panxoy ke.

Esayi 3:23

fo xa ƭeendoor axe fo toki yelefu ke fo tañalax ke fo a muxul a yelefu ke.