YEGIL MBAAX NE YEESU ne Lik a bindtuuna 16:17 - NQAARIIT NE ROOG

¹⁷ Asamaan fo lanq a mbaaf moƴu o yooɓ ee bind leng no kebil ke a fortoox.

YEGIL MBAAX NE YEESU ne Lik a bindtuuna 16:17 Referans Kwoze

Mace 5:18

No ndigil, mexe layaa a nuun ee: Boo asamaan fo lanq a mbaafeerna, bind le moƴna moƴ o neew mbaat o ɗelem o leng sax watkee no kebil ke boo yaa fop a fadnooxna.

YEGIL MBAAX NE YEESU ne Lik a bindtuuna 21:33

Xan asamaan fo lanq a mbaaf, ndaa fa lay es faafkee boo muk.»

1 Piyeer 1:25

ndaa fa lay fee no Yaal oxe xan a ref boo faw.» Fa lay feene refu fee nu yegneena no Yegil mbaax ne.

Esayi 40:8

Daaƭ le xan a weer, piɗ ke a ƥooroox, ndaa fa lay fee Roog in xan a ref boo faw.»

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

Esayi 51:6

Ndaxaaƴooxyo farna fa asamaan, ƭeet took lanq ke. Asamaan fee xan a mooc nen fo suun, lanq ke a siɗoox nen ñirax, soo we ngenna teen a nqonit nen buƈ, ndaa a muc ale mi xan a ref boo faw, too o cofel es wañooxkee.

Mbeeñil 21:4

Xan a forit xa kooniit a kid den, too fa nqon refkatee meen. Ñaawax mbaat ƭomatax mbaat o ƭomel refkatee meen, yaam tig eetaand ke xan a mbaaf.»

Mbeeñil 21:1

Cinj kaaga, ga’aam asamaan fa nqas fo lanq qas. Asamaan fa eetaand fee fo lanq eetaand ke kaa mooc’u, too o maag jeg’atee.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

2 Piyeer 3:10

Bes fee no Yaal oxe xan a gar nen o kuuɗ oxaa na ɓeedaa. Na bes feene, xan asamaan fee a ñuf, a yoon fo fangax maak. Ke Roog a fokatna fop, xan a sooynel na fiɗel fa saasu, too lanq ke fo ke refna teen fop, xan a yaqel.