YEGIL MBAAX NE YEESU ne Lik a bindtuuna 16:16 - NQAARIIT NE ROOG

¹⁶ Kebil ke Moyiis fo duleer we a maad’a boo na Saŋ o Paabatiise xe. Cinj kaaga, Yegil mbaax ne no Maat ne Roog kaa waare’eel, too o kiin oo kiin kaa jeemaa fa doole um, ndax ta rok teen.

YEGIL MBAAX NE YEESU ne Lik a bindtuuna 16:16 Referans Kwoze

Mace 21:32

Yaam Saŋ o Paabatiise xe a gara me nuun, a lal a nuun a ƭat ale no cofel ole, ndaa nu ngimee fa lay um. We na ndabdinooxaa juuti fo we na seeqaa a ngima no ten. Ke nu nga’na keene fop oo, taxee nu ndicoox too ngim.»

YEGIL MBAAX NE YEESU ne Saŋ a bindtuuna 1:45

Filip oo, a xeta fa Natana’el, soo a layin ee: «I nga’a oxe Moyiis a bindna no kebil ke, duleer we a lay kaa jofna no ten, ta ref Yeesu o Naanasaret oxe, o ƥiy Yoseef.»

YEGIL MBAAX NE YEESU ne Lik a bindtuuna 16:31

Kaa koy, Abraham a doonaan ee: ‹A mbañangaa o nan-giloox a Moyiis fo duleer we, njaɓkee sax o ngim yaa o leng a xontooxna a ndeer no xon waa.› »

Mace 3:2

Kaa layoogu yee: «Mbesyo pakaad nuun a cinj, yaam Maat ne na asamaan a matiida.»

A pi ake 3:18

ndaa Roog fadnitu neene ke ta yegnit’ina yaaga xewafulee na xa ton no duleer we fop, ye da layna yee o Muumucil oxe ten regteena a wara o coono.

YEGIL MBAAX NE YEESU ne Lik a bindtuuna 16:29

Abraham a doonaan ee: ‹A njega a safe ke Moyiis fo ke duleer we a mbindna. Fat a nan-giloox ke da layaa.›

YEGIL MBAAX NE YEESU ne Lik a bindtuuna 10:11

‹In we yirfaa a nuun fo ut ole na teeru nuun taƥna na caf in. Yaag oo toox de fat nu and ee Maat ne Roog a matiida.›

YEGIL MBAAX NE YEESU ne Lik a bindtuuna 10:9

Mbodandyo jiru we nu soƥkaa maaga, too mbaare a den ee: ‹Maat ne Roog a matiida a nuun.›

Mace 4:17

Na jamaane faaga, Yeesu a fera o waare, a lay ee: «Mbesyo pakaad nuun a cinj, yaam Maat ne na asamaan a matiida.»

YEGIL MBAAX NE YEESU ne Lik a bindtuuna 9:2

A lula a den da mbaare’ik fa lay fee no Maat ne Roog, too a mbodand we njirna.

Mark 1:14

Cinj yaa Saŋ a ɓekeena kaso, Yeesu a reta kam o jegel olaa Galile, a waare’aa Yegil mbaax ne hatna na Roog.

Mace 10:7

Muu nu ndetna, mbaare’yo yee Maat ne na asamaan a matiida.

YEGIL MBAAX NE YEESU ne Saŋ a bindtuuna 12:19

Farisiya we a layra yee: «Nu nga’a, i nqotitkee teen dara, yaam adna fee fop fo ten a yoonu.»

YEGIL MBAAX NE YEESU ne Saŋ a bindtuuna 11:48

I nqaƴangaan no ke ta fi’aa, xan fop a ngim no ten, too yaaga xan Roorom we a ngef teeru fee, a tas xeet fee.»

Mark 1:45

Kaa koy, o kiin oxeene a reta muu refna, a yegnitik ke ta fi’an’eena. Yaam keene, Yeesu waag’atee o feeñ kam teeru ke. Kaa sutooxoogu tafil, a ret no mbiñ o mbootu, soo wiin we a inooraa muu refna, a ngaraa me ten.

Mace 4:23

Yeesu a widooga Galile fop, too a jangnaa kam pind a qeƭ kaa den. A waare’ooga Yegil mbaax ne no Maat ne na asamaan. A wodandooga jir luu refna fo o ƭomel oluu dam’ina wiin waa.

Mace 15:11

Refee yee ke na rokaa no don na roɗgandaa o kiin, ndaa ke na sutooraa teen na roɗgandan.»

YEGIL MBAAX NE YEESU ne Saŋ a bindtuuna 5:4

yaam kaa jeg’u malaaka faa fudooxiidoogna kam o ul ole leek-leek. Kaa garoogu a jumband foofi le, too oxuu eet’ina o naag teen coloƥ yaa foofi le a jumbandeena a wodooga boo ceŋ, kuu jir um a waag’ina waag o ref.]