YEGIL MBAAX NE YEESU ne Lik a bindtuuna 16:15 - NQAARIIT NE ROOG

¹⁵ Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

YEGIL MBAAX NE YEESU ne Lik a bindtuuna 16:15 Referans Kwoze

1 Sami’el 16:7

Kaa koy, o Yaal oxe a laya a Sami’el ee: «Baa ne ta jagna soo a jeg a keen a yul a ngid of, yaam jilinum. Naagiim o ɗeetaa no ke wiin we a ƭeetaa. O kiin oxe, ke yulna a kid um rek a ɗeetaa, ndaa mi fee o Yaal oxe o mat, kam ee kam xeeñ um ɗeetaa.»

Xa peƭit axe 21:2

O kiin oxe kaa xalaataa yee kuu ta fi’na a faaxa, ndaa o Yaal oxe na jaqtaa ke taxna ta fi’el.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Xa peƭit axe 16:5

O Yaal oxe kaa sib oxuu magnandooxna. Ñakkaand o xaw muk koy.

A pi ake 15:8

Yaam Roog fee andna a qeeñ ake no wiin we a seede’ana a den no Yiif Tedu le ta ci’na a den ne ta ci’tuuna a in.

1 Piyeer 3:4

ndaa fat a ref a qendandax alaa inoorna na qeeñ nuun, a ref yiif damooxu laa ɓuuɓna. O mosel o nandu neene waagee o yaqoox, too a jega o njiriiñ o maak mbaambir Roog.

YEGIL MBAAX NE YEESU ne Lik a bindtuuna 11:39

Kaa koy, o Yaal oxe a layaan ee: «Nuun Farisiya we, kaa nu ƥogdaa took fee na tokol ale fo took fee no roon ole, too kam nuun kaa nu may fo kuuɗe fo coxod.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

YEGIL MBAAX NE YEESU ne Lik a bindtuuna 10:29

Kaa koy, o koor oxaaga a bug’a o ɓur, too a laamta a Yeesu yee: «An refu o kend es?»

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

YEGIL MBAAX NE YEESU ne Saŋ a bindtuuna 2:25

Soxla’ee itam o leng a seede’an o kend um, yaam o ten fa xoox um a anda ke refna no kiin oo kiin.

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

YEGIL MBAAX NE YEESU ne Lik a bindtuuna 18:21

A doonaan ee: «Miñaam o reefaa keene fop no ndeƥandoong es boo ndiik.»

Xa peƭit axe 20:6

Jaaku kaa yegnitaa o waag den, ndaa oxe woorna a ɗome o and.

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.

2 Caloori ke 6:30

nan-giloorti a den na asamaan fee genoona too waasan a den, ɓek teen o ɓay of, rabid oxuu refna a pi um, yaam wo doŋ andu xeeñ no kiin oo kiin.

A pi ake 1:18

O koor oxeene a janga xaaliis fee ta rabid’eena na bakaad fee ta fi’’ina, a jiktin o qol. Cinj kaaga, a yena, a adin xoox um, cer um a ƭeg a ndeer, laaw um fop a ƥaxooxiid tafil.

YEGIL MBAAX NE YEESU ne Lik a bindtuuna 20:47

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

YEGIL MBAAX NE YEESU ne Lik a bindtuuna 20:20

Kaa ngayoogu a Yeesu. A lula wiin waa mbi’ooxoogna nen jofu, ndax da mbogin. A cungooga ta juum no ɗelem, ndax da mbaagin o ƥoxot haahate waa fo gofornoor faa.

Mace 6:16

«Boo nu ngoorna, ba nu yuɗaanooxaa nen yememaar we na ngiɓaa a tagid den, ndax wiin we a nga ee kaa ngoor. Mexe layaa a nuun no ndigil ee: A ndaawa ndabid den boo a ƈut.

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

Mace 6:2

Boo o sadaxtaa, ba o laltan ne yememaar we a mbi’tan kam pind a qeƭ ke mbaat kam ped ke, ndax wiin we a simat a den. Mexe layaa a nuun no ndigil ee: A ndaawa ndabid den boo a ƈut.

Malaki 3:15

Ndiiki koy, i nga’a yee we magnandooxna ƭaayu, soo soxodu we a neq. A ƭeetlooxangaa a Roog sax oo, a ndaɗ.»

A kim a tedu ke 49:18

Ɓislooxkee dara yaa ta xonna, paax ke ta jegna ndeefkiran.

A kim a tedu ke 49:13

O kiin a may may halal waagiran o yaqan o huloox lanq ke, ta nand fo cegel ke na nqonaa.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

A kim a tedu ke 10:3

O soxodu xe kaa fakoortaa a yuxum o laaw um. Oxe na ƴufanaa o jeg o xooleer kaa salooxaa o Yaal oxe soo a xaadnooxan.

YEGIL MBAAX NE YEESU ne Lik a bindtuuna 18:9

Yeesu a naxooxahina a den no kaa farna no wiin waa mbi’ooxoogna wiin jofu soo a nqeefaa lakas we.

YEGIL MBAAX NE YEESU ne Lik a bindtuuna 18:14

Mexe layaa a nuun ee: Oxene a xaada, too Roog a ɗeetaan nen o cofu, o lakas oxe koy, ɗeetaand. Yaam oxuu magnandooxna, xan a neewandel, too oxuu neewandooxna, xan a magnandel.»

A pi ake 1:24

Cinj kaaga, den fop a nqeɗa yee: «O Yaal oxe, wo fee andna a qeeñ ake no wiin we fop, lali a in o leng oxe jiloona no ɗik weeke,

O leetar ole Pool a bindna GIMU WE NGENNA ROM 8:27

Roog fee na ga’aa kam xeeñ, a anda ke Yiif Tedu le a bugna o xeɗ. Yiif le koy, kaa xeɗanaa we mbogna na Roog, ne Roog a bugtuuna.