YEGIL MBAAX NE YEESU ne Lik a bindtuuna 16:14 - NQAARIIT NE ROOG

¹⁴ Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

YEGIL MBAAX NE YEESU ne Lik a bindtuuna 16:14 Referans Kwoze

YEGIL MBAAX NE YEESU ne Lik a bindtuuna 23:35

Xeet faa maaga a ndeeƭu a ƭeetaa. Aa-adax we a nqaadnooxooga a Yeesu, too a layaa yee: «A mucla wiin lakas we. Fat a mucil a xoox um, a soƥangaa yee o ten refu Kiristaa fee o Muumucil oxe regteena, Roog a jilna!»

YEGIL MBAAX NE YEESU ne Lik a bindtuuna 20:47

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

YEGIL MBAAX NE YEESU ne Lik a bindtuuna 12:15

Yeesu a laya a den ee: «Yetooxyo too mbootoox o mbeq halal, yaam o ñoow no kiin refee no jeg halal, kuu ta mayna may halal oo.»

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

Hebre 11:36

Lakas o mat a njaɓa o ñawle’eel, a nqawel xa cap, boo leng-leng a njengel, soo a ƥekel kam kaso.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

YEGIL MBAAX NE YEESU ne Lik a bindtuuna 8:53

Maaga, wiin mayu waa kaa nqaad-nooxoogu a Yeesu, yaam a and’a yee o ndoog onqe a xona.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Esayi 53:3

A sibe, too wiin we a mbañin, o koor coono too a and jir, a nand fo xe wiin we a mbañaa o nga. I nqeefaan, too a ƭat in yongee no ten.

A kim a tedu ke 119:51

Ke ga’atinooxu we a nqaadnooxaxam fop oo, taxee um ɗap a cangin of.

Mace 9:24

a laya a den ee: «Ndiƈatooxyo, yaam o ndoog onqe xonee, kaa ɗaanaa soom.» Maaga, wiin mayu a nqaadnooxooga a Yeesu.