YEGIL MBAAX NE YEESU ne Lik a bindtuuna 16:13 - NQAARIIT NE ROOG

¹³ Surga fa leng waagee o dagoox yaal ɗik, yaam yaaga xan a fex oxene, soo a fañ oxaana mbaat ta damoox no xene, soo a sib oxe yoqna. Nu mbaagee o mbug o ndagoox a Roog, soo mbug o ndagoox Xaaliis.»

YEGIL MBAAX NE YEESU ne Lik a bindtuuna 16:13 Referans Kwoze

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

YEGIL MBAAX NE YEESU ne Lik a bindtuuna 14:26

«Oxuu bugaxama o reefan, too moƴaninum a faap um mbaat a ya um mbaat o teem mbaat xa ƥeem mbaat maag um mbaat xa teɓ um mbaat o ñis um sax, waagkee o ref o taalbe es.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

YEGIL MBAAX NE YEESU ne Lik a bindtuuna 11:23

Oxuu fareerna fa mi kaa fañaam, too oxuu fokateerna fa mi kaa pictaa

YEGIL MBAAX NE YEESU ne Lik a bindtuuna 16:9

Ten taxu mexe layaa a nuun ee: Nqaariitoorityo kalal leweer ke na adna fee, ndax a kasaara’ooxangaa, nu njaɓel kam pind paafkeer kaa.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

YEGIL MBAAX NE YEESU ne Lik a bindtuuna 9:50

Kaa koy, Yeesu a doonaan ee: «Ba nu mbañtin o ten, yaam oxuu fañeerna a nuun, fa nuun a faru.»

YEGIL MBAAX NE YEESU ne Lik a bindtuuna 16:12

Boo nu ngore’eerna no tig no lakas itam, an na cooxkaa a nuun ke nu njegna?