YEGIL MBAAX NE YEESU ne Lik a bindtuuna 15:8 - NQAARIIT NE ROOG
8 «O tew oxuu jegna xa qanjar xarɓaxay xaaliis fa nqoolu, soo a mo’iɗ teen o leng, ndax heƥandkee o lampa, a leelaa mbind ne, a waaƭaa o ndang boo yaa ta ga’uuna?
Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.
Neene, Kiristaa kaa gar, a yegnitiid Yegil mbaax ne na ɓisiidaa jam. Kaa yegnin a nuun, nuun we ndefeerna Yaawuur, too ngoƭ’u a Roog, a fi’anin Yaawuur we mat’uuna itam.
Neene itam, mexe layan a nuun ee: Xan a jeg o ɗaay olaa moƴna o magin na asamaan yaam o paabakaad o leng kut oxaa fesna pakaad um a cinj ee o ɗaay ole no wiin qarɓeen ɓetuu nahuk fo wiin ɓetuu nahuk waa soxla’eerna o mbes pakaad den a cinj.»
Mayu no ñaañango waa a ƥisiida a safe ñango’ir ake den, a ndox a den mbaambir no fop. Ke a safe ke a mbaag’ina o njar a xaymi’’e, too a fi’a xa qanjar cuni qarɓeen ƥetik na xaaliis fa nqoolu.