YEGIL MBAAX NE YEESU ne Lik a bindtuuna 15:5 - NQAARIIT NE ROOG

⁵ A ga’angaan, xan a gadooxin, too xan a ɗaay lool.

YEGIL MBAAX NE YEESU ne Lik a bindtuuna 15:5 Referans Kwoze

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

YEGIL MBAAX NE YEESU ne Lik a bindtuuna 19:9

Yeesu a doonaan ee: «Xaye sax a muc ale a rokiida no mbind nene, yaam o koor oxene o ndaan Abraham oo.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

YEGIL MBAAX NE YEESU ne Lik a bindtuuna 23:43

Yeesu a doonaan ee: «No ndigil, mexe layang ee: Xaye fee xaye sax o rok fa mi kam arjana.»

YEGIL MBAAX NE YEESU ne Lik a bindtuuna 15:32

Kaa koy, kaa o war’u o sawar too felakinoox, yaam o ndeɓ of oxey, kaa xon’u, too a ñoowatina, kaa mo’’u, too a feeña.› »

Heseki’el 18:23

Ndax fa nqon fee no soxodu xe moƴanaxam ndi ta fes a ƭat a paaxeer um a cinj soo a ñoow? Mi o Yaal oxe na refkaa boo faw layun.

1 Piyeer 1:5

Yaam na pexey o ngim nuun, Roog kaa saytoortaa a nuun katil um boo yaa nu ndaawkaa a muc ale jagandeena, too a nar o feeñ na jamaane fa mbalakaand fee.

2 Timote 2:26

A ƥekangaa a yiif den na adna, xan a ndaɗ pog ke saytaane fee ɓek’ina a den no ke ta bugna.

1 Tesalonik 1:5

yaam nu ndamtee Yegil mbaax ne in nen fa lay fa ƥor soom. Kaa nu ndaawtin na doole fee no Yiif Tedu le, too njaɓ ee ndigil saƭku koŋ oo. Yaaga boog nu anda ne i mbesoorna a ndeer nuun yaam o njiriiñ nuun.

Efees 3:7

Kaam refat o caajal no Yegil mbaax ne yaam ci’it ne Roog a cooxaxama kam yirmande um na pexey doole fee na katil um.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

YEGIL MBAAX NE YEESU ne Saŋ a bindtuuna 15:11

Kaam lay a nuun keene, ndax o ɗaay es a dal na nuun, o ɗaay nuun a waag o ñak sik.

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Mise 5:4

Ten fa xoox um na refkaa jam fee!» Yaa Aa-asuur we a songiidkaa saax le in, boo a ndok no pind mosu ke in, xan i ngebil took den aa-adax jaaku, sutan a den gelwaar mayu.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

Esayi 62:12

Xan a nqoyeel «xeet fa tedu fee», «we o Yaal oxe a watna», soo wo, o xoyeel «oxe na yaaweel», «teeru fee waasaandeena».

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

YEGIL MBAAX NE YEESU ne Lik a bindtuuna 15:4

«O kiin na nuun a jegangaa paal teemeed, soo a mo’iɗ teen leng, ndax xaƴkee paal qarɓeen ɓetuu nahik ke fo paal ɓetuu nahik lakas ke na koƥ alaa, soo a waaƭik ne mo’na, boo yaa ta ga’kan?

YEGIL MBAAX NE YEESU ne Lik a bindtuuna 15:6

A gatangaa no mbind ne, xan a xoy qaariit um fo gentand um, a lay a den ee: ‹Mbelakinooxyo fa mi, yaam ga’aam mbaal ne mo’’ina.›