YEGIL MBAAX NE YEESU ne Lik a bindtuuna 15:4 - NQAARIIT NE ROOG

⁴ «O kiin na nuun a jegangaa paal teemeed, soo a mo’iɗ teen leng, ndax xaƴkee paal qarɓeen ɓetuu nahik ke fo paal ɓetuu nahik lakas ke na koƥ alaa, soo a waaƭik ne mo’na, boo yaa ta ga’kan?

YEGIL MBAAX NE YEESU ne Lik a bindtuuna 15:4 Referans Kwoze

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

YEGIL MBAAX NE YEESU ne Lik a bindtuuna 19:10

Yaam o Ƥeenqe no kiin oxe kaa waaƭiid too a mucliid ke mo’na.»

1 Piyeer 2:25

Yaam kaa nu nand’u nen fo mbaal fo mo’u, ndaa ndiiki nu nomtooxa me no xe na gayaa, too a yetooxaa xa laaw nuun.

Mace 12:11

Yeesu a doona a den ee: «An o kiin na nuun oxe na jegkaa mbaal leng naa yenna no gamb, soo ta fañin o sut ee yaam bes fee na ñootnax ale?

Heseki’el 34:31

Nuun paal es, paal ke no siir ole mi, wiin nu ndefu, soo mi um ref Roog nuun. Mi o Yaal oxe na refkaa boo faw layun.»

A kim a tedu ke 119:176

Kaam joqooyooxaa nen mbaal mo’u. Gari waaƭiidaam, mi fee o tag of, yaam weeciim muk kebil of.

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

Yeremi 50:6

Xeet es kaa ndeeƭu o siir paal mo’u. Gaynaak den kaa mo’andoogu a den, a njoqooynoornaa a den na xa coong axe. Kaa mbirlooxoogu ndeer xa coong axe fo a ñaang ake, a mbeecit ngetand den.

YEGIL MBAAX NE YEESU ne Lik a bindtuuna 13:15

O Yaal oxe a doonaan a ƭelem akene yee: «Yememaar we nu ndefna ndef! Mee ndax na bes fee na ñootnax ale, oxuu refna na nuun kaa woktitaa naak um mbaat o faam um na sanqul um, a yernikin?

Heseki’el 34:8

Ne ta wooritna yee mexe ñoowaa, mi o Yaal oxe na refkaa boo faw layun, feek paal ke mi kaa saanqooxaa, a ndefat muud no ƥaaɓaan ke na koƥ ale took o ñak o kaynaak, feek gaynaak we mi topatooxoogee dara paal ke mi, feek gaynaak we a qoox den soom a ngayoogu, too ngayoogee paal ke mi,

O leetar ole Pool a bindna GIMU WE NGENNA ROM 2:1

Wo o mat oo daɗkiro, fo xe refoona ref oo, wo fee na jambaa lakas we. Ne o jambtaa lakas we, neene o ŋaaynitaa a ƭat took xoox of, yaam kaa o jambaa lakas we, too fi’aa nen a den.

Yeremi 33:13

Kam teeru ke no jegel ole na xa coong axe, kam teeru ke no jegel ole na yulanq ake, kam teeru ke no ɓemb-roog o ñamaak, no saax le Bensame, me widna a Yeerusaleem fo kam teeru ke Yudaa xan a ked ake a ndeefahin teen no ɓay no kaynaak oxe na limaa a den.» O Yaal oxe layun.

Heseki’el 34:4

Nu yablee we yooyna, nu mbaadnee we njirna, nu njongee we ƥolooxna, nu nquriidee we njaqooxna, nu mbaaƭee we mo’na, ndaa kaa nu ngame a den fa doole fo o ɗom tig.

YEGIL MBAAX NE YEESU ne Lik a bindtuuna 15:3

Kaa koy, Yeesu a naxooxa a den a naxax aleeke yee: