YEGIL MBAAX NE YEESU ne Lik a bindtuuna 15:24 - NQAARIIT NE ROOG

²⁴ Yaam o ƥees onqe xon’ina a ñoowatina. Kaa mo’’u too a feeña.› Naaga, a ndalfooxa o ndef no mbelakinooxaa.

YEGIL MBAAX NE YEESU ne Lik a bindtuuna 15:24 Referans Kwoze

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

YEGIL MBAAX NE YEESU ne Lik a bindtuuna 19:10

Yaam o Ƥeenqe no kiin oxe kaa waaƭiid too a mucliid ke mo’na.»

Efees 2:1

Yaaga, kaa nu nqon’u mbaambir Roog yaam tooñ nuun fo pakaad nuun.

YEGIL MBAAX NE YEESU ne Lik a bindtuuna 15:4

«O kiin na nuun a jegangaa paal teemeed, soo a mo’iɗ teen leng, ndax xaƴkee paal qarɓeen ɓetuu nahik ke fo paal ɓetuu nahik lakas ke na koƥ alaa, soo a waaƭik ne mo’na, boo yaa ta ga’kan?

YEGIL MBAAX NE YEESU ne Lik a bindtuuna 15:32

Kaa koy, kaa o war’u o sawar too felakinoox, yaam o ndeɓ of oxey, kaa xon’u, too a ñoowatina, kaa mo’’u, too a feeña.› »

O leetar ole Pool a bindna GIMU WE NGENNA ROM 6:11

Neene itam njaɓooxyo nuun fa qoox nuun ee nu nqona tigi boo a taxa nu ƭegoor o kay fa bakaad. Njaɓooxyo itam ee Roog nu ñoowanaa ye nu mbogna na Kiristaa Yeesu.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

O leetar ole Pool a bindna GIMU WE NGENNA ROM 12:15

Mbelakinooxyo fo we njegna o ɗaay, loolandoor fo we na loolaa.

Esayi 35:10

Neene, we o Yaal oxe a wokitna xan a nomtooxiid, a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a nqetiid fa den, soo naqad fo xa iin a ngoƭ a den.

YEGIL MBAAX NE YEESU ne Saŋ a bindtuuna 11:25

Yeesu a layaan ee: «Mi refu a qontax fo o ñoow. Oxuu gimna na mi a ñoow, a xonangaa sax,

Efees 5:14

Yaam kuu feeñleena a qool qac, a qoolaand a refataa. Ten taxu ta layeel ee: «Yokooxi, woxe na ɗaanaa, inoox a ndeer no xon we, too xan Kiristaa fee a xoolandong.»

1 Korint 12:26

Boo leng teen a ɗomeel, fop na ƭomeel nen o ten, too boo leng teen a tedlandeena, yoq we fop na sawaraa nen o ten.

1 Timote 5:6

O ñaaw oxe andoona koy ee kaa ñoowaa na baneex, kaa xon ɗoŋ, ke ta xuƥaa fop oo.

O leetar ole Pool a bindna GIMU WE NGENNA ROM 11:15

Yaam ye Roog a deɓna Yaawuur we, a weta o gom, ndax qeet lakas ke na adna fee fop a njofoor fo ten. A gisatinangaa a den koy, xar na xewkaa? Ndax refkee a qontax ale no xon we?

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

YEGIL MBAAX NE YEESU ne Saŋ a bindtuuna 5:21

Ne Faap fee a xontooxnoortaa, a ñoowdandaa, neene o Ƥeenqe a cooxtitaa o ñoow oxuu feluuna.

Mark 8:22

Yaa Yeesu fo daalbe we ten a mbadiidna Betsayda, Yeesu a ɓisiide o puul, too wiin we a nqeɗooxaan, ndax ta duqin.

Heseki’el 34:4

Nu yablee we yooyna, nu mbaadnee we njirna, nu njongee we ƥolooxna, nu nquriidee we njaqooxna, nu mbaaƭee we mo’na, ndaa kaa nu ngame a den fa doole fo o ɗom tig.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

Mberaand 45:28

Yakoob a laya yee: «A faaxa! Yoseef fee o ƥees a maada o ñoowaa! Xam ret boo ga’ood kañ boo heluuma o xonaa!»

Esayi 66:11

Neene, xan nu ngiñ tem na yaalax ake ta yaalaa a nuun, soo mbelakinooxaa no ndam o mayu muut onqe ten nen xa qeq axaa ya den a numinna bee tem.

Mace 8:22

Oxaaga itam, Yeesu a doonaan ee: «Reefanaam, too xaƴ xon we a uup xon den.»

YEGIL MBAAX NE YEESU ne Lik a bindtuuna 9:60

Kaa koy, Yeesu a layaan ee: «Xaƴi xon we a uup xon den, too wo o mat, o ret yegnitik Maat ne Roog.»

YEGIL MBAAX NE YEESU ne Lik a bindtuuna 15:23

Ƥisiidyo o xeel ole moƴna o magin meen too mbarin. Fat i ñaam, mbelakinoox.

YEGIL MBAAX NE YEESU ne Lik a bindtuuna 15:25

Yaaga fop koy, o maag oxe na xa qol axaa a reeƭu. Yaa ta gataa boo a matiid mbind naa, a nana mbak ne fo a kim ake.