YEGIL MBAAX NE YEESU ne Lik a bindtuuna 15:22 - NQAARIIT NE ROOG

²² Kaa koy, faap fee a laya faɗ we ten ee: ‹Ñofyo ƥisiid sabadoor ne moƴna o mos, too ndokanin o ten. Ndokaneenoo o heɗ fo xa ñaaƭ itam.

YEGIL MBAAX NE YEESU ne Lik a bindtuuna 15:22 Referans Kwoze

Mbeeñil 6:11

Roog a cooxa oxuu refna na den ndoki ndan, too a laya a den da ƥaat o ñootnoox o ndik, boo yaa fog gimu we den da yoontoogna no calel ke a soƥiidna a den, den we nar’eena o mbar itam nen a den.

Esteer 8:2

Maaga, o maad oxe a janga o heɗ o ñaasir ole ta jaɓit’ina na Haamaan, a cooxin a Mordokay, soo Esteer oo a doon o jeg ole Haamaan na xa ƥay Mordokay.

Mberaand 41:42

A wolta o heɗ o ñaasir no ɓay um, a rokanin a Yoseef no ɓay. A rokanaan ndoki njoor soo a humanin ceq wurus no cok um.

Esayi 61:10

Kaam felakinooxaa no Yaal oxe, o laaw es a may fo o ɗaay na Roog es, yaam kaa rokaam ndoki ne na muc ale soo a muuraam sabadoor ne no cofel ole, um nandtaa o kor-no-kulook oxaa rokooxna tañalax xew um mbaat o kulook oxaa mosandooritna kumooxel um.

Esteer 3:10

O maad oxe a wola o heɗ o ñaasir ole no nqol um, a cooxin o pañ oxe no Yaawuur we, refna Haamaan fee o ƥiy Hamedata too a ref o ndaan Agag,

Mbeeñil 19:8

A ci’e maa ta rokooritna sooy yelefu. Ndoki neene koy kaa meleƈaa too a xool qac.» Sooy yelefu neene kaa ref a pi a cofu ke no we mbogna na Roog.

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Galati 3:27

Nuun fop, nuun we mbatiise’eena ndax nu mbog na Kiristaa, nu ndokooxaan.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

A kim ale na kim ake 7:1

«Wo o ñaku sik oxe, nomtooxiidi, nomtooxiidi! Ko ndeeg, nomtooxiidi, ndax i mbuudong!» «Xar nu mbuudtaa o Suusulam oxe nen oxaa na fecaa ndeer o lang?»

A kim a tedu ke 132:9

Yaasam saasadax we wo a ndokoox o cofel, soo we ndamooxna na wo a soroxole!

A kim a tedu ke 45:13

We ngenna Tiir xan a ƥoxotang neexil, yaal kalal ke a ngerang, ndax o farit a den.

A kim a tedu ke 18:33

Roog na ci’axam doole, soo a ƭat es ta ñaknin sik.

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

Efees 6:15

Fat o bug o yegnitik Yegil mbaax ne na ci’taa jam a ref xa ñaaƭ nuun.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

A kim a tedu ke 132:16

Xam rokan saasadax we ten a muc ale, soo gimu we ndefna teen a soroxole.

A cangatin ale 33:25

A kinglir ake ten xan a ndef celem fa xanjar, too doole um xan a ref fo ten no ñoow o ñis um fop!»

YEGIL MBAAX NE YEESU ne Lik a bindtuuna 15:21

O ƥeenqe a layaan ee: ‹Faap, tooñaam a Roog, tooñong, too xoyatel o ƥeef sax a jombaxam.›

YEGIL MBAAX NE YEESU ne Lik a bindtuuna 15:23

Ƥisiidyo o xeel ole moƴna o magin meen too mbarin. Fat i ñaam, mbelakinoox.