YEGIL MBAAX NE YEESU ne Lik a bindtuuna 15:2 - NQAARIIT NE ROOG

² Farisiya we fo saasadax maak we kaa ñuxmatilooxoogu, a layaa yee: «O koor oxeeke kaa dalnaa baabakaad we, soo a ñaamaa fa den.»

YEGIL MBAAX NE YEESU ne Lik a bindtuuna 15:2 Referans Kwoze

Mace 9:11

Farisiya waa a nga’a kaaga, too a laya daalbe we yee: «Xar taxu o Caajangin nuun a ñaamaa fo we na ndabdinooxaa juuti fo baabakaad we?»

YEGIL MBAAX NE YEESU ne Lik a bindtuuna 19:7

ndaa waa nga’na kaaga fop a ñunqumtilooxooga yee: «Ɗeeti Yeesu a dalik no mbind no koor o paabakaad!»

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

YEGIL MBAAX NE YEESU ne Lik a bindtuuna 5:30

Farisiya we fo jaajangin we no kebil ke Moyiis mbog’ina na den a nqaadoox’a, too a layaa daalbe we Yeesu yee: «Xar taxu nu ñaamaa yeraa fo we na ndabdinooxaa juuti fo baabakaad we?»

A pi ake 11:3

«Kaa o rokaa no mbind no we nqucooxeerna, soo ñaamaa fa den.»

YEGIL MBAAX NE YEESU ne Lik a bindtuuna 7:34

o Ƥeenqe no kiin oxe a gar, a ñaamaa a yeraa, soo nu lay ee: ‹O ñaañaam fo o yeeyer oo, a ref xaariit no we na ndabdinooxaa juuti fo no baabakaad we.›

Galati 2:12

Ye we inoortiid’ina maa Saak a mbadiid’afuleerna, Kefaas kaa ñaamoogu fo gimu we ndefeerna Yaawuur, ndaa yaa da mbadiidna mbadiid rek, ta dalfoox o naag kuraac a sayoox, yaam ndik we sertoogna nquc a layin tig.

Mace 11:19

o Ƥeenqe no kiin oxe a gar, a ñaamaa a yeraa soo da lay ee: ‹O ñaañaam fo yeeyer oo, a ref xaariit no we na ndabdinooxaa juuti fo no baabakaad we.› Kaa koy, Roog a fi’a jam, yaam o jeg-yiif ole a jofandte a pi um.»

YEGIL MBAAX NE YEESU ne Lik a bindtuuna 15:3

Kaa koy, Yeesu a naxooxa a den a naxax aleeke yee:

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.