YEGIL MBAAX NE YEESU ne Lik a bindtuuna 15:10 - NQAARIIT NE ROOG

¹⁰ Neene itam, mexe layaa a nuun ee: Xan o ɗaay o maak a jeg mbaambir no malaaka ke Roog yaam o paabakaad o leng kut oxaa fesna pakaad um a cinj.»

YEGIL MBAAX NE YEESU ne Lik a bindtuuna 15:10 Referans Kwoze

YEGIL MBAAX NE YEESU ne Lik a bindtuuna 15:7

Neene itam, mexe layan a nuun ee: Xan a jeg o ɗaay olaa moƴna o magin na asamaan yaam o paabakaad o leng kut oxaa fesna pakaad um a cinj ee o ɗaay ole no wiin qarɓeen ɓetuu nahuk fo wiin ɓetuu nahuk waa soxla’eerna o mbes pakaad den a cinj.»

2 Korint 7:10

Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Heseki’el 18:23

Ndax fa nqon fee no soxodu xe moƴanaxam ndi ta fes a ƭat a paaxeer um a cinj soo a ñoow? Mi o Yaal oxe na refkaa boo faw layun.

YEGIL MBAAX NE YEESU ne Lik a bindtuuna 13:5

Ha’aa, mexe layan a nuun. Nu suptangee o ñoowooƭ, xan nu saŋkoox nuun fop nen a den.»

Mace 18:14

Naaga koy Faap nuun fee na asamaan a bugteeru o leng na xa teɓandoong axene a mo.»

Heseki’el 18:32

Bugiim o leng a xon. Mbesyo pakaad nuun a cinj boog, ndax nu ñoow. Mi o Yaal oxe na refkaa boo faw layun.»

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

YEGIL MBAAX NE YEESU ne Lik a bindtuuna 7:47

Ten taxu, mexe layang o ten ee: O mbeq o maak onqe ta feeñilna, a lalta yee pakaad mayu ke ten a mbaasane. Kaa koy, oxe waasaneena o ndik, o ndik rek a fexaa.»

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Filemon 1:15

Xeƈa koy, Onesiim a xaajoox’a fa wo o ngap, ndax a nomtooxiidangaa, a refat fa wo boo faw.

A pi ake 5:19

Kaa koy, o yeng o njeek, malaaka no Yaal oxe a weta begax kaa na kaso faa, a sut a den, soo a lay a den ee:

Mace 10:32

«Oxuu layna mbaambir no wiin we yee a andaxam, xam lay mbaambir Faap es fee refna na asamaan itam ee andaanum.

YEGIL MBAAX NE YEESU ne Lik a bindtuuna 12:8

«Mexe layan a nuun, oxuu layna mbaambir no wiin we yee a andaxam, xan o Ƥeenqe no kiin oxe a lay mbaambir malaaka ke Roog ee a andaan.

YEGIL MBAAX NE YEESU ne Lik a bindtuuna 12:9

Kaa koy, oxuu layna mbaambir no wiin we yee andiraam, too a andaam, xam lay mbaambir no malaaka kaa Roog ee andinum.

YEGIL MBAAX NE YEESU ne Lik a bindtuuna 15:9

Yaa ta ga’kan, xan a xoy qaariit um fo gentand um, a lay a den ee: ‹Mbelakinooxyo fa mi, yaam ga’aam o xanjar ole mo’’ina.›

YEGIL MBAAX NE YEESU ne Lik a bindtuuna 15:11

Yeesu a layahina a den ee: «O koor a jeg’a xa ƥiy xa ƭaq.