YEGIL MBAAX NE YEESU ne Lik a bindtuuna 14:23 - NQAARIIT NE ROOG

²³ O yaal mbind naa a laya o tag oxaa yee: ‹Reti na ƭat ake fo na xa salit axe, too fi’i fop ndax we o ga’kaa a ndokiid, ndax mbind ne mi a waag o may.›

YEGIL MBAAX NE YEESU ne Lik a bindtuuna 14:23 Referans Kwoze

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

2 Korint 5:11

Neene boog, i anda ke refna o saɗar o Yaal oxe, too kaa i mbaaƭaa maa i njegitna wiin we. Roog koy, a anda a in, too yaakaaraam ee nuun fa qoox nuun kam a yiif nuun, nu anda ke i ndefna itam.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

O leetar ole Pool a bindna GIMU WE NGENNA ROM 10:18

Kaam laamtaa boog: Ndax kaa nan’ee yegnit neene? Aha kañ! A nanaan tigi! Yaam a Pind a Tedu ke sax a laya kaa jofna teen ee: «Xa ñuxur den a njoota boo me lanq ke a ndayna, fa lay den a nannoox boo no cat adna.»

A pi ake 28:28

Pool a ɓaata teen ee: «Andyo boog ee we ndefeerna Yaawuur a mboga no we taxna waare feeke na muc ale Roog a lultel. Xan da nan-gilooxin!» [

A pi ake 18:6

Kaa koy, Yaawuur we kaa siiknoor’u fo ten, a ndef no mbenan. Maaga, Pool a yirfa took den fo ut tikoorik um, ndax ta ref seede na den, too a lay a den ee: «Xan a saŋkax nuun a ref fo diy nuun. Ɓogooxaam teen! Ndiiki koy, mexe retaa farna fo we ndefeerna Yaawuur.»

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

Esayi 11:10

A koom, xan saqit laa hatna na paƴ Isay a ref o anddiloor no qeet ke fop, a saax ake fop a njagniid me ten, too o ndam onqe xan a meleƈit no ngenand um.

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

Mace 21:43

Ten taxu, mexe layaa a nuun ee: Xan Maat ne Roog a watnel na xa ƥay nuun, soo a doxnel xeet faa na ƥoxotkaa xa tim axe ten. [

Esayi 27:13

A koom, xan a luuƥ a maak ale a jib, soo we mo’’ina kam saax laa Asuur fo we pasaroox’ina no saax laa Misira a nomtooxiid. Xan a ngung mbaambir no Yaal oxe took o joong o tedu le kam Yeerusaleem.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

A pi ake 16:15

Ye ta batiise’eena, ten fo wiin mbind um, a xura a in, a lay ee: «A woorangaa a nuun ee gimaam no Yaal oxe, ndokyo no mbind es, ndal meen.» Maaga, a seraan a in, too i njaɓa.

YEGIL MBAAX NE YEESU ne Lik a bindtuuna 24:29

Kaa koy, goor we a ndamaan, a layin ee: «Yoqi fa in, yaam tige oxe yengiidaa, too njeeƈ ne xe mudiidaa.» Maaga, a roka ndax ta yoq fa den.

Mace 5:41

O kiin a serangaang o ñaaƴ a taaraand juni, fi’aneen a taaraand cuni ƭik.

YEGIL MBAAX NE YEESU ne Lik a bindtuuna 14:22

Yaa ta ɓaatinna, o tag oxe a gara, a lay ee: ‹O yaal es, ke heblitoona a fi’e, too a maada o yoqaa a seek.›

YEGIL MBAAX NE YEESU ne Lik a bindtuuna 14:24

Yaam mexe layan a nuun ee: O leng no we nqoyeena a mbañ, ñaamkee na put ale mi.»