YEGIL MBAAX NE YEESU ne Lik a bindtuuna 14:22 - NQAARIIT NE ROOG

²² Yaa ta ɓaatinna, o tag oxe a gara, a lay ee: ‹O yaal es, ke heblitoona a fi’e, too a maada o yoqaa a seek.›

YEGIL MBAAX NE YEESU ne Lik a bindtuuna 14:22 Referans Kwoze

YEGIL MBAAX NE YEESU ne Saŋ a bindtuuna 14:2

Xa moofand xa mayu xaay no mbind Faap es. Kaaga a jeg’angee, laykooginum a nuun. Kaam jagandankaa a nuun koy maa nu moofna.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

Kolos 2:9

No ten o mat Roog fo o yaajel um a xawoortu, a refat o kiin.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

A kim a tedu ke 130:7

Isra’el, ɗagi yaakaar of no Yaal oxe, yaam me ten o mbeq a refu, too a bat ale oxey fo ten bo ta dey sik.

A kim a tedu ke 103:6

O Yaal oxe kaa fi’aa cofu, a ɓoxotaa ɓur we na ñaatlandeel.

YEGIL MBAAX NE YEESU ne Lik a bindtuuna 14:21

O tag oxaa a nomtooxa, too a lay o yaal mbind um ke wiin we a njangtooxna. O yaal mbind naa a fuuxa, too a laya o tag um ee: ‹Reti no paayo ke fo no ped ke kam saate fee, too ɓisiid rool we fo xaru we fo ɓoof we fo fuul we.›

YEGIL MBAAX NE YEESU ne Lik a bindtuuna 14:23

O yaal mbind naa a laya o tag oxaa yee: ‹Reti na ƭat ake fo na xa salit axe, too fi’i fop ndax we o ga’kaa a ndokiid, ndax mbind ne mi a waag o may.›