YEGIL MBAAX NE YEESU ne Lik a bindtuuna 14:21 - NQAARIIT NE ROOG

²¹ O tag oxaa a nomtooxa, too a lay o yaal mbind um ke wiin we a njangtooxna. O yaal mbind naa a fuuxa, too a laya o tag um ee: ‹Reti no paayo ke fo no ped ke kam saate fee, too ɓisiid rool we fo xaru we fo ɓoof we fo fuul we.›

YEGIL MBAAX NE YEESU ne Lik a bindtuuna 14:21 Referans Kwoze

YEGIL MBAAX NE YEESU ne Lik a bindtuuna 14:13

Kaa koy, boo o xurtataa, xoyi rool we fo xaru we fo ɓoof we fo fuul we.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

YEGIL MBAAX NE YEESU ne Saŋ a bindtuuna 9:39

Yeesu a layaan ee: «Kaa jeg kaa xoolandiiduuma na adna feeke. Kaam gar, ndax we mbuulaanaq a damna a nga, we mboogna yee kaa nga’aa a mbuul.»

YEGIL MBAAX NE YEESU ne Lik a bindtuuna 14:24

Yaam mexe layan a nuun ee: O leng no we nqoyeena a mbañ, ñaamkee na put ale mi.»

Esayi 35:6

ɓoof we a mboolaa nen njaf, soo muum we a layataa fo o ɗaay. Xan poofi ke a mbal kam a koƥ-a-ƥor ale, soo a ƈufnand ake yee gañ kam o tan ole.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

1 Sami’el 2:8

Ten na inaa o toroxu xe yenna a lanq, o ndool onqe deɓeena na siind, ta yoɗatinin, ndax ta moofin a den paam kelfa ke soo a ci a den da lam uum le no ndam onqe. O Yaal oxe jegu a toodook ake njaƭna lanq ke, too took den a diƈu adna fee.

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

Mace 11:28

Ngaryo me mi nuun fop, nuun we nqijna too meɗel, ndax um ci a nuun a ñootnax.

Esayi 33:23

Yaa xa ƥaak axe wo a yandkaa boo ndamkatee a maaw ale ta saƭik too letinkatee a laay a anddiloor, kalal mayu ke nqotteena na xire xan a lasrel. We na laƴaa sax xan a mbog na yaq fee.

YEGIL MBAAX NE YEESU ne Lik a bindtuuna 9:10

Yaa apootar waa a nomtooxiidna, a mbetandooxa a Yeesu ke da mbi’’ina fop. A ɓisa a den no mbiñ o mbootu farna fa teeru faa ne’eena Betsayda.

Mace 18:31

Yaa yoon um lakas a nga’na ke xewna, a feƭar’a a den lool, too a ndeta a mbetandooxin o yaal mbind den.

Mace 15:12

Maaga, daalbe we ten a matiidaan, too a layin ee: «Ndax andaa yee ke layoona a panq oo no Farisiya we?»

Sakari 11:11

A koom ngiɓoor ne a ɗegu. Teefaŋke ke ngoroogaxama a and’ata yee o Yaal oxe hebil’axam ke fi’ooguuma.

Sakari 11:7

Gaykaam boog paal ke no teefaŋke ke mbaajoogeena o ƥis no warand, pokoox xa loq xa ƭaq axaa ne’uuma, oleeke «Yirmande», olaana «Ngiɓoor», gaytik a den paal ke.

Yeremi 5:1

O Yaal oxe kaa tee: «Mbidyo ped ke Yeerusaleem, ƭeet a paax, ngoroox, mbaaƭ no paayo ke ten. Nu nga’angaa teen o leng kut oxaa na fi’aa cofu, a jeemaa o gore, xam waasan a Yeerusaleem.»

1 Sami’el 25:12

Waa Dawid a lul’ina a ndalfooxa o nomtooxiid, a njangtoox a Dawid ke Nabal a doon’ina a den fop.

A kim a tedu ke 38:7

Mexey lugup, naag yidaq, too naqad um reftaa ñaal oo ñaal.

A kim a tedu ke 2:12

Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.

YEGIL MBAAX NE YEESU ne Lik a bindtuuna 14:20

O tadkandeer oxe a laya yee: ‹Kaam sogaa gilig, ten taxu waagkiim o gar.›

YEGIL MBAAX NE YEESU ne Lik a bindtuuna 14:22

Yaa ta ɓaatinna, o tag oxe a gara, a lay ee: ‹O yaal es, ke heblitoona a fi’e, too a maada o yoqaa a seek.›

Mace 20:7

A ndoonaan ee: ‹O leng jangee jang a in.› A laya a den ee: ‹Ndetyo na ƭing es nuun itam.›