YEGIL MBAAX NE YEESU ne Lik a bindtuuna 14:13 - NQAARIIT NE ROOG

¹³ Kaa koy, boo o xurtataa, xoyi rool we fo xaru we fo ɓoof we fo fuul we.

YEGIL MBAAX NE YEESU ne Lik a bindtuuna 14:13 Referans Kwoze

YEGIL MBAAX NE YEESU ne Lik a bindtuuna 14:21

O tag oxaa a nomtooxa, too a lay o yaal mbind um ke wiin we a njangtooxna. O yaal mbind naa a fuuxa, too a laya o tag um ee: ‹Reti no paayo ke fo no ped ke kam saate fee, too ɓisiid rool we fo xaru we fo ɓoof we fo fuul we.›

Esayi 58:10

xaajir ñaamel of fo xe xeexeena, giñnoor o laaw no toroxu xe, a qoolaand of xan a rax o niɓaan ole, too o yeng of xan a refaa nen njoloor.

Xa peƭit axe 14:31

Oxe na toroxandaa o ndool onqe, kaa xeef oxe sakuuna, yirim o toroxu xe mat a ref o niw o saasak um.

Esayi 58:7

Ten refu itam o xaajir fo xe xeexeena ñaamel of, rool we njegeerna maa njaɓnooxna, o wetan a den mbind of, oxe ɓangdeena, o cooxin ñirax, soo fañ o fes a cinj o pog of.

Hebre 13:2

Ba nu mbeecit muk ee, nu mbara o ndalnaa we na ngaraa me nuun. Leng-leng we mbesoorna neene, a ndalna malaaka sax too andiran.

Nehemi 8:10

Esdaraas a ɓaata teen ee: «Nqaadyo, ñaamik ñaamel pelu, yer a yer a pelu too naqan we njegeerna dara kaa da njawna, yaam bes fene kaa kesanel o Yaal in. Ba nu ngooy, ndaa mbelakinooxyo, yaam o Yaal oxe refu doole in.»

Mace 22:10

Dag waa a ndeta, a mbokat we da nga’na fop, faax fo soxodu, boo a ndok ale wiin we a ñaamtoogna a may muut.

A cangatin ale 16:14

Fat nu mbelakinoox yaa fa xew feene, nuun fo xa ƥiy nuun xa koor fo xa tew fo surga nuun fo jeefeer nuun fo itam Leelewi we fo xa kataakoon axe fo xa baan axe fo ñaaw we ndefna no teeru ke nuun.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

A cangatin ale 16:11

soo mbelakinoox mbaambir no Yaal oxe Roog nuun no mbiñ onqe ta jilkaa ndax gon um a ƴufginooreel teen, nuun fo xa ƥiy nuun xa koor fo xa tew fo surga nuun fo jeefeer nuun fo Leelewi we ndefna no teeru ke nuun fo itam xa kataakoon axe fo xa baan axe fo ñaaw we na ndefkaa a ndeer nuun.

A cangatin ale 14:29

Maaga, xan Leelewi we njegeerna a las, njegee lanq a ndeer nuun, a ngar a nqotin, den fo xa kataakoon axe fo xa baan axe fo ñaaw we na ngenkaa no teeru ke nuun. Neene, xan da mbaag o ñaamaa boo a ngiñ, too o Yaal oxe Roog nuun xan a barke a nuun no kuu nu ndokna.»

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

Ke bindeena no xe ne’eena YOB 29:13

O toroxu xe kaa salanoogaam barke, o ñaaw oxe, um mayƭand xeeñ um fo o ɗaay.

Nehemi 8:12

Maaga, xeet fee fop a ndeta, ndax da ñaam, a yer, a naqan we njeg’eerna dara soo a mbelakinoox a paax, yaam a and’ata ke da lay’eena.

2 Caloori ke 30:24

Hiskiya fee o maad Yudaa a coox’a mbokatax naa qoox juni fo paal cuni ɓetuu ƭik, kelfa ke a cooxit qoox juni fo paal cuni xarɓaxay. Saasadax mayu koy a tedlandoox’a.

2 Sami’el 6:19

A lasa xeet faa fop, faan laa no Ii-isra’el waa, goor fo rew, oxuu refna o gaf fo o ɗeg a tegeƴ o juɗe fo o gaf olaa fi’teena xa tim biiñ. Cinj kaaga, xeet faa fop a nqaada, oxuu refna no mbind um.

Tiit 1:8

Kaa war o ref oxaa na genaraa we na ngaraa no mbind um, a fex ke faaxna, a fod, a jof na pi um, a ted, a ɓuuɓ.

Filemon 1:7

O pog es, o mbeq of a ɗaaynooraxam lool, too a saƭakinaxam, yaam na wo, xeeñ le no tedu we a daltu.

A pi ake 9:39

Piyeer a naaga daket a inoox, a yoon fa den. Ye da mbadiidna, a ƥisaan na ndok-took alaa. Ñaaw we fop kaa mbid’un o kurul-keƥ, a ndef na xa lool, a lalan sabadoor ke fo xa porok axe Dorkas a ɗiisoogna ye ta refaa fa den.

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

Xa peƭit axe 22:9

Oxe ranigna kam xan a barke’el, yaam kaa ci’aa o neewu doole xe no ñaamel um.

Mace 15:30

Wiin mayu a ngara paam um, a ƥisiid waa nqarna, waa mbuulna, waa ƥoofna, waa muumna fo jiru lakas mayu. A mbondna a den na caf Yeesu, too a wodanda a den.

YEGIL MBAAX NE YEESU ne Lik a bindtuuna 14:12

Yeesu a laya itam oxaa xoy’uuna yee: «Boo o xoytataa a put mbaat a cu’ax, ba o xoy qaariit of mbaat fog of mbaat we fogtoona mbind mbaat we njegna kalal, yaam ndik da nqurong wo itam, a ndabdong leng kut ke.

YEGIL MBAAX NE YEESU ne Lik a bindtuuna 14:14

O naagangaa o fi’taa neene, ɗaayaa. Yaam ne weene a mbaagkeeroonga o ndabid, xan Roog a rabdong, yaa jofu we a nqontooxkaa.»