YEGIL MBAAX NE YEESU ne Lik a bindtuuna 14:11 - NQAARIIT NE ROOG

¹¹ Yaam oxuu magnandooxna xan a neewandel, too oxuu neewandooxna xan a yoɗel.»

YEGIL MBAAX NE YEESU ne Lik a bindtuuna 14:11 Referans Kwoze

YEGIL MBAAX NE YEESU ne Lik a bindtuuna 18:14

Mexe layaa a nuun ee: Oxene a xaada, too Roog a ɗeetaan nen o cofu, o lakas oxe koy, ɗeetaand. Yaam oxuu magnandooxna, xan a neewandel, too oxuu neewandooxna, xan a magnandel.»

Mace 23:12

Oxuu magnandooxna, xan a neewandel, too oxuu neewandooxna, xan a yoɗel.»

Xa peƭit axe 29:23

A magnandax kaa maafaa o yaal um, oxe neewaandooxna mat a niweel.

Saak 4:6

A ci’a a in yirmande faa hupna fop. Kaa nand nen ke layeena kam a Pind a Tedu ke yee: «Roog a faña we na magnandooxaa, ndaa a yirma we neewandooxna.»

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

Xa peƭit axe 18:12

A magnandax na gartaa o njakad, a neewandax o mat a adooxanaa o ndam.

Saak 4:10

Neewandooxyo mbaambir Roog, ndax ta yoɗ a nuun.

A kim a tedu ke 138:6

O Yaal oxe xaay took-ee-took, ndaa yaqanee ta ga’aa oxe xeefeena soo a andditaa koƭu oxe magnandooxna.

Esayi 2:17

O kiin oxe magnandooxna xan a lupandoox, soo o kiin o maak oxe a neewandel. Na bes faaga, o Yaal oxe soom na andkeel nen oxaa yoɗooxna,

A kim a tedu ke 18:27

Kaa o faax no xe jegna xeeñ xoolu, soo fañraa fo xe moseerna kam.

Esayi 2:11

O kiin oxe na ɗeettaa nga’yaamoo xan a lupandoox, o ka’atinooxu xe a yoornoox. Na bes faaga, o Yaal oxe soom na andkeel nen oxaa yoɗooxna.

Xa peƭit axe 15:33

No saɗar o Yaal oxe o jeg-yiif a aqatoorteel, a neewandax a adooxanaa o ndam.

Ke bindeena no xe ne’eena YOB 22:29

Boo Roog a yisinna o kiin, kaa o layaa yee a magnandax um taxun, ndaa pexey oo naa Roog a muclitan.

1 Sami’el 15:17

Sami’el a layaan ee: «Yaaga, kaa o xalaatoogu yee refiro o kiin o maak, ndaa yaqanee o Yaal oxe a ɗuumong o maad Isra’el, o refat oxe adooxanna a carind ake Isra’el fop.

YEGIL MBAAX NE YEESU ne Lik a bindtuuna 1:51

A fi’a a pi katil fo a naax um, a pasar we magnandooxna na qeeñ den.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

2 Sami’el 22:28

Wo na muclaa we neewandooxna soo fañraa fo we magnandooxna, ndax o maaf a den.

Xa peƭit axe 25:27

O ñaam suum mayu faaxee, ne’atiim o bug o niwel bo ta hup.

YEGIL MBAAX NE YEESU ne Lik a bindtuuna 1:52

A maafa katil no maad we, a yoɗ we neewandooxna.

YEGIL MBAAX NE YEESU ne Lik a bindtuuna 14:12

Yeesu a laya itam oxaa xoy’uuna yee: «Boo o xoytataa a put mbaat a cu’ax, ba o xoy qaariit of mbaat fog of mbaat we fogtoona mbind mbaat we njegna kalal, yaam ndik da nqurong wo itam, a ndabdong leng kut ke.

Saak 1:9

Fat oxuu refna o ndool na nuun a fakoox, yaam ne Roog a yoɗuuna,

1 Piyeer 5:6

Neewandooxyo boog yoora o ɓay o jegu katil ole Roog, ndax ta yoɗ a nuun na waxtu fuu ta buguuna.

Esteer 6:10

O maad oxe a layaan ee: «Ñofi jang ndoki ne fo pis ne, too ne laytanoona deŋ o fi’anitkan a Mordokay, o Yaawuur oxe na jalaa kam mbind no maad ne. Ba o saganit a leng na pi ake layoona fop.»