YEGIL MBAAX NE YEESU ne Lik a bindtuuna 14:10 - NQAARIIT NE ROOG

¹⁰ Kaa koy, o xurange na xew, reti moof na seek ale falakna, ndax oxe xoyoonga a garangaa, a layong ee: ‹Xaariit es, ŋaayi took faa.› Yaaga xan genar we fop a niwong.

YEGIL MBAAX NE YEESU ne Lik a bindtuuna 14:10 Referans Kwoze

Xa peƭit axe 15:33

No saɗar o Yaal oxe o jeg-yiif a aqatoorteel, a neewandax a adooxanaa o ndam.

1 Sami’el 15:17

Sami’el a layaan ee: «Yaaga, kaa o xalaatoogu yee refiro o kiin o maak, ndaa yaqanee o Yaal oxe a ɗuumong o maad Isra’el, o refat oxe adooxanna a carind ake Isra’el fop.

Mbeeñil 3:9

Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

Esayi 60:14

Xa ƥiy axe no we ñagadiloogoonga xan a matiidong, a lupandoox. Fop we nqaadnooxoogoonga xan a ngooknoox na caf of, a nqoyang teeru fee no Yaal oxe, Siyoŋ fee no Tedu xe Isra’el.