YEGIL MBAAX NE YEESU ne Lik a bindtuuna 13:8 - NQAARIIT NE ROOG

⁸ Oxe topatooxoogna o qol ole a doonaan ee: ‹O yaal mbind es, xaƴahineen no hiid olene. Xam jiqit lanq ke me widuuna, too yip teen suqi.

YEGIL MBAAX NE YEESU ne Lik a bindtuuna 13:8 Referans Kwoze

2 Piyeer 3:9

O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.

O leetar ole Pool a bindna GIMU WE NGENNA ROM 11:14

ndax ciis a ɓood na qeeñ no we fogtuuma xeet fa leng, boo leng-leng na den a mbaag o muc.

Yowel 2:17

Fat saasadax we na njalanaa o Yaal oxe a lool kam Mbind Roog ne ndeer begax ne fo o sadaxand ole soo a nqeɗooxin ee: «O Yaal oxe, wuusi a in, in we xeet of! Ba o ci a in gaci, boo a tax qeet lakas ke a nqaadnooxaa a in. Xar na taxkaa ta layeel a ndeer a saax ake yee: ‹Taa Roog den?› »

O leetar ole Pool a bindna GIMU WE NGENNA ROM 10:1

Fog we, ke buguuma no xeeñ es fop fo ke refna a qeƭ es na Roog refu yee Yaawuur we a muc.

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

A kim a tedu ke 106:23

Kaa heboox’u o saŋik a den, ndaa Moyiis fee ta jil’ina a xeɗooxaan, boo ta waas fuux le ten, a fañat o moocand a den.

A sutax ale 34:9

«O Yaal oxe, a soƥangaa yee ci’axamo yirmande of, mexe xeɗang o ñaaƴaa fa in. Andaam ee xeet feeke wiin saƭku a qoox a ndefu, ndaa waasani a in njofaƭar in fo pakaad in soo fi a in, i ndef o jeg of.»

YEGIL MBAAX NE YEESU ne Lik a bindtuuna 13:7

Maaga a laya oxaa topatooxoogna o qol olaa yee: ‹Xa kiid xa tadaq axey axaa andoona yee um garangaa waaƭiid o rim no ndun ne, soƥkiim teen tus. Godeen deɓin. Xar taxu ta ñaamaa lanq ke, too jegee meen o njiriiñ?›

YEGIL MBAAX NE YEESU ne Lik a bindtuuna 13:9

Xeƈa no hiid ole na garaa xan a rim xa tim xa paax mbaat fat o godin, deɓin.› »

YEGIL MBAAX NE YEESU ne Lik a bindtuuna 14:35

Jiriiñee tus no lanq ke too waagee a tos, a refangee a deɓel tafil. Oxuu jegna nof nanir, fat a nan-giloox!»