YEGIL MBAAX NE YEESU ne Lik a bindtuuna 13:35 - NQAARIIT NE ROOG

³⁵ Ten taxu, xan Mbind Roog nuun a xaƴel. Mexe layaa a nuun ee: Nu nga’katiraam muk, boo yaa nu laykaa yee: ‹Oxe na garaa no gon le no Yaal oxe a hela o simatel!› »

YEGIL MBAAX NE YEESU ne Lik a bindtuuna 13:35 Referans Kwoze

A kim a tedu ke 118:26

Oxe na garaa no gon le no Yaal oxe a hela simatel. In we mbarke’taa a nuun kam Mbind ne no Yaal oxe.

YEGIL MBAAX NE YEESU ne Saŋ a bindtuuna 12:13

a njanga a naaq keec, a mbod mbaambir um a simatan too a layaa yee: «Hoosiyana! Oxe na garaa no gon le no Yaal oxe a hela simatel, ten fee o Maad Isra’el!»

Mace 21:9

Wiin mayu we adoox’ina a Yeesu fo we ndeefan’uuna kaa mbalalooxoogu yee: «Hoosiyana, o Ndaan Dawid! Oxe na garaa no gon le no Yaal oxe a hela simatel. Hoosiyana took-ee-took asamaan!»

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

Sakari 14:2

O Yaal oxe xan a fokat qeet ke fop, da inooxan a Yeerusaleem. Teeru fee xan a jaɓel, pind ke a mbaltel, rew we a ngignel, genwal fee no wiin we a ƥisel gilaa saax took o hup doole, ndaa we na yoqkaa na den sutkaand teeru fee.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Esayi 52:7

Ndaw o jaf o mosu took xa coong axe, no xaa na yegnitaa yegil mbaax! Kaa yegnitaa jam fa baneex fo a muc, soo a layang, wo Siyoŋ ee: «Roog of refu o maad of.»

A kim a tedu ke 69:25

Fuuxani a den, yaasam fuux ɗomu le wo a yen took den.

Yeremi 22:5

Kaa koy, nu nan-gilooxangee fa lay feene, mexe daaɓoortan a xoox es o mat ee xan mbind nene a fes a pec.» O Yaal oxe layun.

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»

Mace 23:37

«Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokatta xa ñeek um yoora a nafir um, too nu mbañ!

YEGIL MBAAX NE YEESU ne Lik a bindtuuna 19:41

Yaa Yeesu a faambnooxna teeru faa boo a ga’in, a loolooxaan, a lay ee: