YEGIL MBAAX NE YEESU ne Lik a bindtuuna 13:34 - NQAARIIT NE ROOG

³⁴ Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokattaa xa ñeek um yoora a nafir um, too nu mbañ!

YEGIL MBAAX NE YEESU ne Lik a bindtuuna 13:34 Referans Kwoze

A pi ake 7:52

An no duleer we daan nuun a ñagadileeru sax? Yaam daan nuun a mbara we yegnitoogna yaaga yee xan o Cofu xe a gar, ndiiki koy nu ngodaan, mbarnoorin.

Esayi 30:15

Keeke o Yaal oxe na refkaa boo faw, a ref o Tedu xe Isra’el a layu: «Yaa nu nomtooxiidna me mi too mbod o mbid doŋ, nu muckaa, too o ɓuuɓ fo a koolax na ndefkaa doole nuun, ndaa nu mbugiran.

YEGIL MBAAX NE YEESU ne Lik a bindtuuna 23:28

Yeesu a geleerooxa, a faambir fa den, too a lay ee: «Nuun rew we Yeerusaleem, ba nu loolat yaam mi. Loolanyo a qoox nuun fo xa ƥiy nuun.

YEGIL MBAAX NE YEESU ne Lik a bindtuuna 19:44

Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

A kim a tedu ke 36:7

O cofel of a foda fo xa coong axe moƴna o ngoƭ took, kate of a mbod fo qooƭ ke na juwaam fee. O Yaal oxe, wo na topatooxaa wiin we fo muumeen ke.

Ruut 2:12

Yaasam o Yaal oxe a rabdong ke fi’oona! Yaasam saɗig of a magin no Yaal oxe refna Roog fee Isra’el, yaam jaɓnooxiidaa na xa ƥay um.»

Mace 22:6

Lakas waa koy kaa ndam dag waa, a nqaw a den, a mbar a den.

Mace 22:3

soo a lul dag um ndax da nqoyik we njawaneena a put ale. Waa nqoyeena koy mbug’ee o ngar.

A ƭomatax ake 1:16

Ten taxu um loolaa, a kid es a nqaaraa fo xa kooniit. Oxe war’axama o yaal kaa goƭaam, ten oxe nomtiidkoogaxama no ñoow ole. Xa ƥiy axe mi a njaqa lool, yaam o pañ oxe hupu a den doole.»

Esayi 50:2

Ye garuuma, xar taxu soƥiim meen o leng? Ye xoyuuma, xar taxu jaaɓaandeem? Ndax o ɓay es a raƥa raƥ boo waagee o mucil? Ndax kaa jegiim doole faa wattuuma? Aca i ndet boog! Kaam weernitaa o maag ole fa lay es, supit xa quluɓ axe a koƥ-a-ƥor boo liƥ ke a nqonaa fo a koɗom yaam ne foofi a ñakna soo a mbotaa.

A kim a tedu ke 91:4

Xan a saytoortong a naf um, o jaɓnooxaa yoora a nafir um. Ngor um kaa ref pegoor fo ƥonax saƭku.

A kim a tedu ke 81:13

Maaga, xaƴaam a den no ŋaj den, da ndeefan yuuƥ ke den.

A kim a tedu ke 57:1

O yaal a ƭat ale no jeejeek we a xoolne yee a kim alene kaa saq o jangooƭ na kim ale ne’eena «Ba o yaq». A cangtax alaa fogna na ke Dawid oo, a naxoorteel o joor ole Dawid, ye ta laqooxna a Sawul no luf naa.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

Yeremi 35:14

Yoonadab fee o ƥiy Rekab a xañta xa taan um da yer biiñ, too a ngayaan. Boo xaye sax yeree biiñ, yaam a nananaa ke o taan den a heblitna. Mi o mat, layaam fa nuun roog fuu feedna, ndaa nu nan-gilooxiraam.

Yeremi 26:23

A sutta a Uriya Misira, a ƥisin maa no maad Yoyakim. Oxeene a warnoortaan laƥ, a deɓnoor o dal ole ten no gasand ole rool we a ngaseel.

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

A cangatin ale 32:29

A jeg’angaa yiif, a andkooga keene, a ga ke na dalkan.

A cangatin ale 5:29

Kaa rek, a njeg’angaa xeeñ leene boo kili, a niwaam soo a ngay kebil es fop, a ƭaaykooga boo faw, den fo xa taan den.

Mbeeñil 11:8

Maaga, xan xa tal den a liilel no nqel naa na teeru fa maak faa, maa o Yaal den a reng’eena. Teeru feene gon le Sodoom fa Misira a naxoorte.

A pi ake 8:1

Sool a yoon’a na bar ale Eceen. No ñaal naaga ñagadil maak a rope took o fog ole no gimu we ndefna Yeerusaleem. Gimu waa fop bo ta yoqaa apootar waa, a pictoox’a kam o jegel olaa Yudee fo saax laa Samari.

A pi ake 7:59

Neeke mat Eceen a xeɗtoogu ye da ndooman a kac: «O Yaal oxe Yeesu, jaɓi o laaw es!»

YEGIL MBAAX NE YEESU ne Lik a bindtuuna 15:28

Ndak fo ndak, o maag oxe a fuuxa, too bug’ee o rok kam mbind naa. Faap um a sutooxiida, too a layin ta rok,

Yowel 2:23

Nuun we ngenna Siyoŋ, ndefyo no ɗaay too mbelakinoox no Yaal oxe Roog nuun, yaam a ci’a a nuun a teƥ a paax. A fudnaniida a nuun puyaam ke, a teƥ a sarandam ake fo a seeseek ake nen yaaga.

A ƭomatax ake 4:13

Keene fop o ngar fo pakaad ke no duleer we fo tooñ ke no saasadax we yoo, den we ƥax’ina kam teeru fee fo’oy le no jofu we.

A kim a tedu ke 17:8

Yetooxaam nen jooƴ a ngid of too saytooxaam yoora a nafir of

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»