YEGIL MBAAX NE YEESU ne Lik a bindtuuna 13:31 - NQAARIIT NE ROOG

³¹ Na waxtu faaga, leng-leng no Farisiya waa a matiida a Yeesu, a layin ee: «Inooxi mene, too ret o mbiñ o lakas, yaam Herood kaa bugong o warin.»

YEGIL MBAAX NE YEESU ne Lik a bindtuuna 13:31 Referans Kwoze

Mace 14:1

Na pe akaaga, yaa Herood fee maadooxoogna no jegel olaa Galile a nanna wiin we a laytaa a Yeesu,

YEGIL MBAAX NE YEESU ne Lik a bindtuuna 3:1

No hiid xarɓaxay fo ɓetkandeer olaa no maat ne Kesaar fee ne’eena Tibeer, a jopir Poons Pilaat a refaa gofornoor Yudee, Herood a ref o maad Galile, Filip fee o ndeɓ um a ref o maad no saax laa Iture fa Tarakooni, Lisaañas o maad Abileen,

Mace 14:3

Herood fa xoox um kaa damnoor’u a Saŋ o Paabatiise xe, soo a jengin, a ɓekin kaso yaam Herojas, o tew Filip fee o ndeɓ Herood,

Mace 14:6

Kaa koy, yaa da ndoofandaa bes faa no rimel olaa Herood, o ƥiy o ndew onqe Herojas a feca ndeer o lang olaa, too a fel’a a Herood lool.

YEGIL MBAAX NE YEESU ne Lik a bindtuuna 9:7

Yaa Herood fee maadooxoogna no jegel olaa Galile a nanna wiin we a laytaa ke xew’ina fop, a jaaxiɗ’a, yaam a jega waa layoogna yee: «Saŋ o Paabatiise xe xontooxu.»

YEGIL MBAAX NE YEESU ne Lik a bindtuuna 23:7

Yaa ta nanna yee Yeesu no jegel Herood a fogu, a lultaan a Herood, reeƭna Yeerusaleem na pe akaaga.