YEGIL MBAAX NE YEESU ne Lik a bindtuuna 13:27 - NQAARIIT NE ROOG

²⁷ Xan a dakoox o lay a nuun ee: ‹Mosiim o and me nu ngenna. Ngoƭaamoo, nuun we na mbi’aa paaxeer fop!›

YEGIL MBAAX NE YEESU ne Lik a bindtuuna 13:27 Referans Kwoze

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

A kim a tedu ke 6:8

A kid es kaa niifaarat yaam naqad, a mbemekel yaam fañ es fop.

A kim a tedu ke 119:115

Ndiƈatooxaamoo, nuun soxodu we, ndax um gay kebil ke Roog es.

YEGIL MBAAX NE YEESU ne Lik a bindtuuna 13:25

Yaa o yaal mbind ne a inooxkaa boo a weg begax ne fo o jaafu, xan nu mbod tafil koŋ-koŋnaa begax ne too layaa yee: ‹O Yaal oxe, wetani a in!› Xan a doon a nuun ee: ‹Mosiim o and me nu ngenna.›

A kim a tedu ke 1:6

O Yaal oxe kaa yoonaa jofu we na ƭat den, soxodu we koy, a ƭat den a jagin na saŋkax.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

Hoose 9:12

A yarangaa xa ƥiy den sax, xam ñaknoor a den weene boo o leng yoqkee. Sabab took den, yaa um waaskaa a den pelek!

A kim a tedu ke 125:5

We na ndeefaa a ƭat a quƴooxu ke koy, yaasam o Yaal oxe a rax a den, den fo fiifi paaxeer we! Yaasam Isra’el a ref na jam!

A kim a tedu ke 101:8

Nqes nuu refna xam saŋik soxodu we no saax le fop, moocand kam teeru fee no Yaal oxe fop we na mbi’aa njofaƭar.

A kim a tedu ke 28:3

Ba o jangandooraam fo soxodu we fo we na mbi’aa njofaƭar, den we na layaa jam fo gend den, too a soƥa paaxeer ƥor a mbofu na qeeñ den.

A kim a tedu ke 5:6

Ga’atinooxu we mbaagee o nqox mbaambir of, too kaa o sib fop we na mbi’aa paaxeer.

Galati 4:9

Ndiiki koy, ye nu andna a Roog boo ƈut mbaat ye Roog a andna a nuun, nam nu mbugu o nomtoorit na ƭat ale na adna fee jegeerna o njiriiñ, ndax nu ndakoox o ndef faɗ den?

1 Korint 8:3

Kaa koy, oxuu fexna a Roog, Roog a andaan.

Mace 25:12

Maaga, a doona a den ee: ‹No ndigil, mexe layaa a nuun ee: Mosiim o and a nuun.›