YEGIL MBAAX NE YEESU ne Lik a bindtuuna 13:24 - NQAARIIT NE ROOG

²⁴ «Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

YEGIL MBAAX NE YEESU ne Lik a bindtuuna 13:24 Referans Kwoze

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.

Hebre 4:11

Fat i njeem fa doole in fop boog ndax i ndok na ñootnax aleene. Fat i mbi boo o kiin oo kiin na in a fañ o nanaƭar ne waa ndeeƭna na koƥ-a-ƥor alaa a nanaƭarit’ina, boo ndokee na ñootnax aleene.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

Xa peƭit axe 21:25

Ke feeñaak fee a bugna na waran, yaam xa ƥay um njaɓee njal tig.

O leetar ole Pool a bindna GIMU WE NGENNA ROM 10:3

Ne Roog a jofandtaa wiin we mbaambir um, kaa mo a den mir, soo da ndek a mbaaƭan a qoox den pexey naa da njofitna. Ten taxu njaɓee pexey ne Roog a jofandtaa.

Kolos 1:29

Keene itam refu calel es, um gomriteel doole um, ta jalaa na mi fa katil.

YEGIL MBAAX NE YEESU ne Saŋ a bindtuuna 7:34

Xan nu mbaaƭaam, ndaa nu nga’kiraam, too nu mbaagkee o ngar me um refkaa.»

O baawaare xe 10:15

Calel fanxoy fee kaa xijlan, ten fee andeerna a ƭat ale jofna na teeru faa.

YEGIL MBAAX NE YEESU ne Saŋ a bindtuuna 8:21

Yeesu a dakooxa o lay a den ee: «Mexey retaa, too xan nu mbaaƭaam, ndaa pakaad nuun nu nqonitkaa. Nu mbaagkee o ngar me um jofaa.»

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

Mace 11:12

No kaa xotitna na jamaane faa Saŋ o Paabatiise xe boo fa ndiik, Maat ne na asamaan kaa bugel o gef fa doole, too yaal toole ke na njeeman o njang.

Xa peƭit axe 14:6

O qaaxaadnax oxe kaa waaƭaa o jeg-yiif, ndaa jegkiran, o cegu yiif oxe mat a yooɓaa and.

YEGIL MBAAX NE YEESU ne Saŋ a bindtuuna 13:33

Nuun we xa teɓandoong es, miñkatiim dara fa nuun. Xan nu mbaaƭaam, too ne laytanuuma Yaawuur we, mexe layaa a nuun itam ee: Nu mbaagkee o ndet me um jofaa.

YEGIL MBAAX NE YEESU ne Lik a bindtuuna 13:23

O leng no wiin waa a laamtaan ee: «O Yaal oxe, ndax xan a jeg o ndik onqaa na muckaa boog no wiin we?» Yeesu a doona a den ee:

Yosuwe 7:3

a nomtooxiida me Yosuwe, a layin ee: «Jaree sax o heblaa xiixire we fop, ndax da songik a Ay. Xan goor cuni ƭik mbaat cuni tadik rek a ndey, yaam wiin we na teeru faa mayee kaa taxna o innaa xiixire we fop.»

YEGIL MBAAX NE YEESU ne Saŋ a bindtuuna 5:4

yaam kaa jeg’u malaaka faa fudooxiidoogna kam o ul ole leek-leek. Kaa garoogu a jumband foofi le, too oxuu eet’ina o naag teen coloƥ yaa foofi le a jumbandeena a wodooga boo ceŋ, kuu jir um a waag’ina waag o ref.]