YEGIL MBAAX NE YEESU ne Lik a bindtuuna 13:19 - NQAARIIT NE ROOG

¹⁹ Kaa nand fo o xonq seneew, too o kiin a jangin, a duufin kam o qol um. A saxangaa, a naaga o refaa ndaxar, too tiiƭ ke na asamaan kaa ndutaa kam a naaq um.»

YEGIL MBAAX NE YEESU ne Lik a bindtuuna 13:19 Referans Kwoze

Dañel 4:12

Kaa koy, nqaƴyo fanq le fo a paƴ um a lanq, ndeer daaƭ le na xa ñar axe, morgin ceen njelem fo ceen xanjar. Fat a liim ale a yenaa took um, daaƭ le a ref a las um nen muumeen ke!

Dañel 4:21

Daali maad, keeke refu ke ta tekitna, a ref ke Roog fee Took-ee-took a fosooxanoonga, wo daali maad o yaal es:

A pi ake 4:4

Na waxtu faaga, mayu no we nan’ina fa lay fee Roog a ngim’a, boo goor gimu we fop a mbadat ngap cuni ƥetik.

A pi ake 2:41

We njaɓ’ina fa lay um fop a mbatiise’e, too a koom daalbe we a ƥaatoox’a ngap wiin cuni tadik.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Heseki’el 31:6

Tiiƭ ke na asamaan fop kaa ndutoogu na naaq ake ten, muumeen-a-koƥ ke fop a ndoonaa xa ƥiy den a lanq ɗuga xa laag axe ten, soo qeet maak ke fop a ngenaa no yook um.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

A pi ake 21:20

Ye da nanna kaaga, a simata a Roog. Cinj kaaga, a laya a Pool ee: «O pog in, ga’aa gimu cuni-cuni we inoorna na ƭat ale no Yaawuur we. Boo xaye kaa njaflax den fop no kebil ke Moyiis.

Mace 17:20

Yeesu a laya a den ee: «Ne nu ñakna o ngim taxu. No ndigil, mexe layaa a nuun ee: Nu njegangaa o ngim onqaa fodna nen o xonq seneew, xan nu lay o joong olene yee: ‹Inooxi mene›, too xan a inoox meen. Tus xoxkee a nuun. [

Esayi 58:11

O Yaal oxe xan a ref o ƭooɗox of kili. O refangaa kam ee kam a koƥ-a-ƥor ale sax, xan a ñaamnong boo wee tem, soo a ɓaatong doole. Xan o nand nen a ƭing alaa sooreena boo sap, nen a mbeel alaa ŋiiskeerna.

Esayi 53:10

Kaa fel o Yaal oxe ta duguñin, a heesandin, ndaa ne ta ɓoxotna o ñis um nen sadax fa nqendandoor, xan a ga xa taan um, a ñoow miñu, too o bug ole no Yaal oxe xan a fadnoor no ten.

A kim ale na kim ake 6:2

Oxe buguuma bug a fudooxa na ƭing um, no cimb ke no qeeñe-xeeñe ke, ndax ta muudoor xa tim axe na ƭing ale, a gis kaaf-a-tooq ke.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

Yeremi 31:12

Xan a mbadtiid xa soroxole took o joong ole Siyoŋ. Xan a ƥaxooxiid farna fo paax ke o Yaal oxe a jagandanna a den: bele fee, biiñ fa nqas fee, diwliin fee, a ked ake fo xa siir axe. Den fa qoox den xan a nand nen a ƭing alaa sooreena, ŋeesooxkatee.

Esayi 61:11

Yaam ne lanq ke a suttaa col ke mbaat ne a ƭing a saxnitaa ke duufeena teen, neen o Yaal oxe na refkaa boo faw a saxnitkaa o cofel fo a simat mbaambir a saax ake, ne da mbodeena fop.

Esayi 53:1

An gimu ke i nanna ta layteel? An anddu katil ne na ñamaak ale no Yaal oxe?

A kim ale na kim ake 8:13

Wo fee genna na ƭing ake, qaariit ke mi owe ndunga nof no ñuxur of, ngela nannooraam o ten!

A kim ale na kim ake 4:16

Nqeñ ne no ɓemb-roog o janoon, ɗisi! Nqeñ ne no ɓemb-roog o ñamaak, gari! Wuuɗi kam a ƭing ale mi, ndax qeeñe-xeeñe ke ten a naang sur. Fat oxe buguuma bug a gar na ƭing um soo a ñaam na xa tim xa pelu xe ten!

A kim ale na kim ake 4:12

O cigeen es, o toog es, a ƭing a bege refo, a ngas a naage rap, a cur alaa jaafu’eena.

YEGIL MBAAX NE YEESU ne Lik a bindtuuna 17:6

Maaga, o Yaal oxe a doona a den ee: «Nu njegangaa o ngim onqaa fodna nen o xonq seneew, nu mbaaga o lay ndaxar neeke yee: ‹Yoɗooxi too sipoox no maag ole›, too yaaga a nanankooga a nuun.

Mark 4:30

Yeesu a dakooxa o lay ee: «Xar i nandanditkaa Maat ne Roog, ndi a naxax alum i mbaagun o laltit?