YEGIL MBAAX NE YEESU ne Lik a bindtuuna 13:16 - NQAARIIT NE ROOG

¹⁶ O tew oxeeke andoona yee o ndaan Abraham oo, too Saytaane a dam’un boo xa kiid xarɓaxay fo xa kiid ɓetaa tadaq, ndax waagaand o wodand na bes fee na ñootnax ale?»

YEGIL MBAAX NE YEESU ne Lik a bindtuuna 13:16 Referans Kwoze

Mark 2:27

Yeesu a layahina a den ee: «Bes fee na ñootnax ale, o kiin taxu ta fi’el, refee yee o kiin fi’e yaam bes fee na ñootnax ale.

2 Timote 2:26

A ƥekangaa a yiif den na adna, xan a ndaɗ pog ke saytaane fee ɓek’ina a den no ke ta bugna.

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

YEGIL MBAAX NE YEESU ne Lik a bindtuuna 19:9

Yeesu a doonaan ee: «Xaye sax a muc ale a rokiida no mbind nene, yaam o koor oxene o ndaan Abraham oo.

YEGIL MBAAX NE YEESU ne Lik a bindtuuna 3:8

Saqyo boog a pi akaa lalitna yee nu mbesa pakaad nuun a cinj. Ba nu layat na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

YEGIL MBAAX NE YEESU ne Lik a bindtuuna 16:24

Yaa ta ga’uuna, a wuuqa yee: ‹Heey, o taan es Abraham! Ngela yirmaam! Luliidi a Lasaar, ndax ta suup nqol um na foofi, a xuƥandanaam ɗelem es, yaam kaam coono’aa lool no fiɗel lene.›

A kim a tedu ke 107:14

A suqta a den no niɓaan ole fo na pelyook fa nqon fee, a daƈit a ceng ake den.