YEGIL MBAAX NE YEESU ne Lik a bindtuuna 13:15 - NQAARIIT NE ROOG

¹⁵ O Yaal oxe a doonaan a ƭelem akene yee: «Yememaar we nu ndefna ndef! Mee ndax na bes fee na ñootnax ale, oxuu refna na nuun kaa woktitaa naak um mbaat o faam um na sanqul um, a yernikin?

YEGIL MBAAX NE YEESU ne Lik a bindtuuna 13:15 Referans Kwoze

YEGIL MBAAX NE YEESU ne Lik a bindtuuna 14:5

Cinj kaaga, a laya a den ee: «An o kiin na nuun oxe na jegkaa o ƥiy mbaat naak, ta yen na ngas, soo ta fañin o sut ndak fo ndak ee yaam bes fee na ñootnax ale yoo?»

Mace 23:28

Neene nu nandtu fo jofu yaa o kiin a ƴookna a nuun, ndaa kam nuun, yememaar fo njofaƭar ƥor ndefu teen.»

YEGIL MBAAX NE YEESU ne Lik a bindtuuna 12:1

Na waxtu faaga, wiin cuni-cuni a mbokatoora, a ndakraa. Yeesu a fera o maƭoox daalbe we ten, too a lay a den ee: «Mbootooxyo poɗaxnir ke no Farisiya we! Kaa tekit yememaar.

YEGIL MBAAX NE YEESU ne Lik a bindtuuna 6:42

Mbaat nam waago o layit o kend of ee: ‹O pog es, xaƴi um watnanong njulmbax ne refna na ngid ale wo›, wo fee waageerna o ga a toodook ale refna kam a ngid of? Wo soo ref o yememaar! Pañtu o eet o watin a toodook ale refna na ngid of, soo sogkaa waag o ga a paax ne o watnitkaa njulmbax ne refna kam a ngid no kend of?»

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Mace 15:7

Nuun soo ndef yememaar! Esayi a lay’a ndigil ye ta jo’tanna a Roog no kaa farna na nuun ee:

Mace 7:5

Wo soo ref o yememaar! Pañtu o eet o watin a toodook ale refna na ngid of, soo sogkaa waag o ga a paax ne o watnitkaa njulmbax ne refna kam a ngid no kend of!

Esayi 29:20

yaam o ñaañagadil oxe a wata meen, o qaaxaadnax oxe a sooƴ, soo fop we ƥerexoogna, ndax da mbi lakas we paaxeer, a saŋkel,

Xa peƭit axe 11:9

Oxe a ƭat um a yongeerna na Roog kaa luubaa o ñoow no kend um fo fa lay um, jofu we mat a mbateel teen na pexey o and den.

Ke bindeena no xe ne’eena YOB 34:30

ndax o soxodu xe maadooxkee too refkee a panq na xeet fee.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

YEGIL MBAAX NE YEESU ne Lik a bindtuuna 7:19

too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»