YEGIL MBAAX NE YEESU ne Lik a bindtuuna 12:7 - NQAARIIT NE ROOG

⁷ Wiil le na qoox ake nuun sax kaa limel. Ba nu saɗarat boog! Nuun ngupu giiraand xa ñere-ñere o njiriiñ.»

YEGIL MBAAX NE YEESU ne Lik a bindtuuna 12:7 Referans Kwoze

Mace 6:26

Ƭeetyo tiiƭ ke na asamaan andoona yee nduufkee, saxadkee, ngeerkee tus no tap, too Faap nuun fee na asamaan a ñoownaa a den. Ndax kaa nu moƴee o njeg a den o njiriiñ?

YEGIL MBAAX NE YEESU ne Lik a bindtuuna 21:18

Kaa koy, o biil o leng no xoox nuun sax samkee.

2 Sami’el 14:11

O tew oxaa a ɓaataan o lay ee: «Daali maad, kaam xeɗang o fi’anaam a tegit no gon no Yaal oxe Roog of, ndax o kiin oxe warna o rabdinoox fa nqon fee no ƥees warkee oxe yoqɗuuma soo a ɓaat taamaala fee.» O maad oxaa a doonaan ee: «Ne ta wooritna yee o Yaal oxe xe ñoowaa, neene a woortu yee o biil o leng sax samitkee no xoox no ƥeef.»

1 Sami’el 14:45

Xiixire waa fop a ndalfooxa o lay a Sawul ee: «Xar? Yoonatan o mat xonkee, ten fee fexeyna boo Isra’el a jeg o ndam o maak onqene. Kaaga jegkee muk! Ne ta wooritna yee o Yaal oxe xe ñoowaa, o biil o leng samitkee no xoox um, yaam fo o ndimle Roog a fi’tu ke ta fi’na xaye fop.» Maaga, xiixire waa a mbata a Yoonatan boo xonee.

A pi ake 27:34

Ngaryo boog too ñaam, yaam nu soxla’a o ñaam ndax nu muc. O biil ole moƴna o yooɓ sax watkee no xoox no kiin na nuun.»

A kim a tedu ke 8:6

Fi’aano ta mat o fodir fa wo, widnin o ndam fa tedaanga,

Mace 12:12

O kiin hupu mbaal fuuf toox de! Ten taxu a ƭat ale in a ci’ta o kiin a fi paax na bes fee na ñootnax ale.»

Ke bindeena no xe ne’eena YOB 35:11

ten fee na aqataa a in na pexey muumeen ke no lanq ke, a ci’aa a in o and na pexey tiiƭ ke na asamaan?»