YEGIL MBAAX NE YEESU ne Lik a bindtuuna 12:47 - NQAARIIT NE ROOG

⁴⁷ O paɗ oxe andna ke o yaal mbind um a bugna, soo a fañ o jagandoox mbaat ta fañ o fi ke o yaal mbind um a bugna, na moƴkeel o xaw.

YEGIL MBAAX NE YEESU ne Lik a bindtuuna 12:47 Referans Kwoze

Saak 4:17

too o kiin a andangaa ke ta warna o fi, too fi’iran, yaaga a bakaada.

YEGIL MBAAX NE YEESU ne Saŋ a bindtuuna 9:41

Yeesu a doona a den ee: «Mbuulaanaq-yiif a dam’angaa a nuun, nu njegkoogee bakaad. Kaa koy, nuun we layaa yee nu mbaaga a ka, ten taxu yoo, pakaad nuun a sax na nuun.»

YEGIL MBAAX NE YEESU ne Saŋ a bindtuuna 12:48

Oxuu jaɓeeraxama, gimee fa lay es, a jega o kaahate. Fa lay fee yegnituuma na hate’kaa na bes fa mbalakaand faa,

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

YEGIL MBAAX NE YEESU ne Saŋ a bindtuuna 19:11

Yeesu a doonaan ee: «Jegkoogiro sañ-sañ fa leng na mi, Roog a coox’angirang o ten. Ten taxu, oxe ɓoxotaxama a ndeer xa ƥay of a fi’a bakaad faa moƴna o magin fee wo.»

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

YEGIL MBAAX NE YEESU ne Lik a bindtuuna 12:41

Maaga, Piyeer a layaan ee: «O Yaal oxe, ndax in soom o naxooxaa keene ndi lakas we fop?»

YEGIL MBAAX NE YEESU ne Lik a bindtuuna 12:46

xan o yaal mbind no paɗ oxaaga a gar no ñaal naa ta cungoogeeruuna fo na waxtu faa ta andeerna. Xan a ɗegin teɓ-reɓ, a fokat a las um fo gimaƭaru we.