YEGIL MBAAX NE YEESU ne Lik a bindtuuna 12:42 - NQAARIIT NE ROOG

⁴² O Yaal oxe a doonaan ee: «Jawdiin fum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, oxuu refna a las um, yaa waxtu fee a fadna?

YEGIL MBAAX NE YEESU ne Lik a bindtuuna 12:42 Referans Kwoze

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

Hebre 13:7

Mbetandooxyo wiin waa ƭoxoogna a nuun yaaga, a yegnaa a nuun fa lay fee Roog. Ngorooxyo o ñoowooƭ den, ƭeet ne da nqonitna. Kaam ee fat o ngim nuun a laal onqe da njeg’ina.

2 Timote 4:2

Waare’i fa lay fee, damoox teen, too xiisnan no daaw mbaat no ñak o daaw. Lalti a ƭat, xasan we ndeefeeruuna, we na ndeefan o umbaa fiɗel a pi den. Keene fop, fi’teen o muñ, yoonandtin a cangin.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

1 Piyeer 4:10

Oxuu refna na nuun kaa ref nen o tag o paax oxaa Roog a doxinna ci’it pogreer. Yaaga koy, fat a dimle’taa lakas we ci’it ne ta daawitna na Roog.

Tiit 1:7

Kaa o aa-adax a war o ñak ƥanjel, nen oxe Roog a hoolooxna boo a doxnan. Baa ref oxaa ndigil um soom a giñna mbaat ta mat xeeñ. Waree o ref itam oxaa a yer a adinna mbaat ta may balu-balu, xaaliis a waagin o ɓek no andand.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

Mace 20:8

Yaa ta yaarna, o yaal a ƭing alaa a laya oxe na rabdanan ee: ‹Xoyi jaajal we, rabid a den. Eetti no we mbalakna o ngaraa, jof no we eetna o ngar.›

Heseki’el 34:3

Kaa nu ñaamaa neebam fee, ñiroortaa a biil ake den, mbaraa cegel ke moƴna o ngiñ, too nu ngayee paal ke.

Esayi 50:4

O Yaal oxe na refkaa boo faw a ci’axam a layoorooƭ ale no daalbe we, ndax um and nam warum o saƭakinit o neewu doole xe. Nqes nuu refna kaa wetaa nof es, ndax um nan-giloox nen daalbe we.

Xa peƭit axe 15:23

Waag o doonanqol o mosu kaa ref a cur o ɗaay, fa lay fa mbaax faa layeena na waxtu um a fel bo.

Hebre 3:5

Moyiis fa xoox um a gore’a kam mbind ne Roog fop nen o paɗ Roog oxaa gadin’eena o layanan.

1 Timote 3:15

Kaa koy, um waagangee o ñof o gar, xan o andat ne o kiin a warna o ñoowtaa no ƥasil ne Roog. Ƥasil neene refu mbokatax ne no we ngimna na Roog fa ñoow jok fee, a ref itam a toodook ale jaƭna ndigil ne.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

Mace 13:52

A dakooxa o lay a den ee: «Ten taxu boog, o caajangin no kebil ke Moyiis, a refangaa o taalbe no Maat ne na asamaan, kaa nand fo o yaal mbind oxaa na suttaa no ngeekand um qas fo kiid.»

Yeremi 23:4

Xam sutan a den gaynaak waa na ngaykaa a den. Saɗarkatee, ndiidkatee muk. O leng na den yoqandkatee. Mi o Yaal oxe layun.»

Xa peƭit axe 27:18

Oxuu topatooxna ndun, a ñaam xa tim axaa, oxuu dagooxna o yaal mbind um a paax, a niwel.

Xa peƭit axe 31:15

Boo Roog a helko fo feedaa ta inoox, a coox we no mbind um ñaamel soo a las jeefeer we ten o far den.

YEGIL MBAAX NE YEESU ne Lik a bindtuuna 7:19

too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»

YEGIL MBAAX NE YEESU ne Lik a bindtuuna 12:43

O paɗ oxe o yaal mbind um a soƥkaa ta fi’aa ne warna, a ɗaaya!

A sutax ale 36:4

Maaga, yaal a yiif ake nqot’eena fop no calel ke no Ƭiif ne o Yaal oxe a xetteel a ƭega calel den, a ndet maa Moyiis,

Xa peƭit axe 12:8

O cegu yiif oxe kaa kañeel, oxe raƥna yiif o mat a xeefeel.