YEGIL MBAAX NE YEESU ne Lik a bindtuuna 12:4 - NQAARIIT NE ROOG

⁴ «Kaam layan a nuun, nuun we ndefna qaariit es: Ba nu mbit we mbaagna o mbar cer, too cinj kaaga mbaagee o mbi kaa hupuuna.

YEGIL MBAAX NE YEESU ne Lik a bindtuuna 12:4 Referans Kwoze

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Yeremi 1:8

Ba o saɗar a den, yaam mexey fa wo, ndax um watong.» O Yaal oxe layun.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Filip 1:28

Baa we nu ngomritaa a ndiidland a nuun. O ñak o diid nuun kaa lalit ee na saŋkax a ndefu, a lalit ee nuun o mat, nuun we na muc. Keene koy na Roog a hatu,

1 Piyeer 3:14

A soƥangaa sax ee, kaa nu coono’aa yaa nu mbi’aa ke jofna, nu ƭaaya. Ba nu saɗar ke wiin we a saɗaraa, too ba nu njaaxiɗ.

Saak 2:23

Yaaga boog, ke a Pind a Tedu ke a layna a fadnooxa no kene: Abraham a gima na Roog, too kaaga a taxa Roog a ɗeetin nen o cofu boo a xoyatan xaariit um.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

Heseki’el 2:6

Wo fee o ƥiy no kiin, ba o saɗar a den, too ba o saɗar fa lay den, ke o refkaa ref a ndeer takar-ñiig fo tomb soo moof fo a beex fop oo. Ba o saɗar fa lay den too ba o send mbaambir mukit den, yaam xeet fa mbaafañ a ndefu.

A pi ake 4:13

Yaa waa mbog’ina no Mal naa a nga’na njambaar ne Piyeer fa Saŋ, kaaga a beta a den lool, yaam a and’a yee a cang den goƭee. Kaa koy, a and’ata yee no we yoonoogna fa Yeesu a mbogu itam.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Esayi 41:8

«Wo Isra’el fee o tag es, wo Yakoob fee jiluuma, wo o tim ole Abraham fee xaariit es,

A kim ale na kim ake 5:1

O cigeen es, o toog es, mexe garaa na ƭing es, ɓooriid miir fee mi fo qeeñe-xeeñe ke mi, ɓaƈit xef es, ñaam suum ke, yer biiñ es fo fo sis es. Nuun qaariit ke, ñaamyo boo ngiñ, yer mbug ne boo mbay nep.

A kim ale na kim ake 5:16

O don um kaa ɓuuɓ yem, too ngiin um fop kaa yaawnoox. Nuun roog we Yeerusaleem, neene oxe buguuma bug a nandu. Kaam ee neene o fes es a nandu.

Xa peƭit axe 29:25

O saɗaraa wiin we kaa ref mbog, oxe hoolooxna o Yaal oxe mat a refaa no woor.

Yeremi 41:18

ndax da ngoƭ Kaakalde we. Kaa saɗaroogu a den, yaam ne Isma’el fee o ƥiy Netaniya a war’ina a Gedaliya fee o ƥiy Ahikam o maad oxe Babilon a dalin’ina ta maadooxaa no saax le.

YEGIL MBAAX NE YEESU ne Saŋ a bindtuuna 15:13

O mbeq jolkee jaɓ o xon yaam qaariit of.