YEGIL MBAAX NE YEESU ne Lik a bindtuuna 12:37 - NQAARIIT NE ROOG

³⁷ Faɗ we o yaal den a soƥkaa da yetooxaa a ƭaaya! No ndigil, mexe layaa a nuun ee: Xan a humnoox boo yee ŋaƭ, a diƈ a den, soo a matiid ndax ta dagoox a den.

YEGIL MBAAX NE YEESU ne Lik a bindtuuna 12:37 Referans Kwoze

2 Piyeer 3:14

Nuun we fexuuma, ten taxu, ne nu cungaa bes feene, ngoorgoorlooxyo ndax nu nqool, ñak sik mbaambir Roog, ndef na jam fo ten.

Mace 24:42

Yetooxyo boog, yaam nu andee na bes fee o Yaal nuun a garkaa.

Filip 1:23

Me ta refna kaam gid a ƭak: Kaam tayaa o sutoox adna feeke, ret ñoowik fa Kiristaa, too a wooraxam ee ten moƴu.

1 Korint 2:9

No kaa farna no jeg-yiif oleene koy, a Pind a Tedu ke a laya yee: «Kaa ref kaa a ngid a ga’eerna, nof ɗaaɗiran, too yiif no kiin gomiran. Kaa ref kaa Roog a roxanna we mbexuuna.»

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

2 Piyeer 1:11

Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Filip 1:21

yaam Kiristaa refu o ñoow es, soo fa nqon a ref o ndam na mi.

YEGIL MBAAX NE YEESU ne Lik a bindtuuna 17:8

Ndax laykiran ee: ‹Jawanaam a cu’ax, dagooxaxam boo yaa ñaamuuma, yer boo ƴut, soo a cinj kaaga o sog o ñaam, yer›?

YEGIL MBAAX NE YEESU ne Lik a bindtuuna 12:43

O paɗ oxe o yaal mbind um a soƥkaa ta fi’aa ne warna, a ɗaaya!

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Yeremi 32:41

Xam felakinoox no fi’an a den paax. Xam jimb a den da saƭik koŋ no saax lene, fi’in fo xeeñ es fop fo o laaw es fop.› »

YEGIL MBAAX NE YEESU ne Lik a bindtuuna 12:36

Nuun boog, nandyo nen wiin waa na cungaa o yaal mbind den a nomtooxiid no ngulook ne, ndax da mbaagin o mbetan yaa ta fadiidna boo a koŋ-koŋin.

YEGIL MBAAX NE YEESU ne Lik a bindtuuna 22:27

Ndi an moƴu o magin boog, oxe reerna fa nuun ndi oxe na dagooxaa? Ndax refee oxe reerna fa nuun? Ndiiki koy mexey a ndeer nuun nen o tag nuun.

Mbeeñil 16:15

O Yaal oxe a laya yee: «Nga’yo, mexey garaa nen o kuuɗ oxaa na ɓeedaa! Oxe ɗaaneerna, too a geek toki um, yaam a fañaa o ñaaƴ fo cer ƥor, a ɗaaya. Oxeene kiin bugee gaci um a feeñ.»