YEGIL MBAAX NE YEESU ne Lik a bindtuuna 12:33 - NQAARIIT NE ROOG

³³ Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

YEGIL MBAAX NE YEESU ne Lik a bindtuuna 12:33 Referans Kwoze

Mace 19:21

Yeesu a layaan ee: «O bugangaa o ñak sik, reti jikoox kaa jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

A pi ake 2:45

Kaa njikooxoogu xa qol den fo kalal den, a nqaajran, oxuu refna fo ne soxla um a fodna.

YEGIL MBAAX NE YEESU ne Lik a bindtuuna 16:9

Ten taxu mexe layaa a nuun ee: Nqaariitoorityo kalal leweer ke na adna fee, ndax a kasaara’ooxangaa, nu njaɓel kam pind paafkeer kaa.

YEGIL MBAAX NE YEESU ne Lik a bindtuuna 12:21

Neene deŋ a nandu no xe na fokatanooxanaa a xoox um halal, too jegee a Roog ta ref halal um.»

Safe le no tuleer AGE 1:6

Kaa nu nduufaa mayu, ndaa o ndik rek nu saxadaa. Kaa nu ñaamaa, ndaa nu ngiñkee, yeraa too nu nqeƴkee, ndokooxaa, ndaa taxkee a cogoñ nuun a wat, soo ndabid no caajal oxe a kasaara’ooxaa, nen yaa ta reeƭna kam nafa yulu.

2 Korint 8:2

Gimu we kaa ƭeetloox’el kam coono maak kaa ndal’ina a den, ndaa o ɗaay den kaa magin’u lool, boo a tax da lalit o laabiir den, ke da ñak’ina ñak fop oo.

YEGIL MBAAX NE YEESU ne Saŋ a bindtuuna 12:6

O nanangaa ta haptaa kaaga, reeƭee yee rool we ngaal’un. Ne ta reeƭna o kuuɗ, a xotaa na xaaliis o ndeerte nqe den ta geekoogna tax’u ta layan.

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

Xa peƭit axe 13:7

Leng we kaa mbi’ooxaa jegu too njegee tus, lakas we mat a mbi’ooxaa rool too a njeg halal fa mayu.