YEGIL MBAAX NE YEESU ne Lik a bindtuuna 12:21 - NQAARIIT NE ROOG

²¹ Neene deŋ a nandu no xe na fokatanooxanaa a xoox um halal, too jegee a Roog ta ref halal um.»

YEGIL MBAAX NE YEESU ne Lik a bindtuuna 12:21 Referans Kwoze

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

Habakuk 2:9

Sabab took no xe na fokatanaa mbind um halal fa leweer, a fi ngenand um took-ee-took, ndax ta daɗ taamaala kuu ndefna!

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

YEGIL MBAAX NE YEESU ne Lik a bindtuuna 16:11

Boo nu ngore’eerna no kalal leweer ke na adna fee, an na doxinkaa a nuun kalal tigil ke?

YEGIL MBAAX NE YEESU ne Lik a bindtuuna 6:24

Ndaw sabab took nuun, nuun yaal kalal ke, yaam nu yaale boo ƈut!

2 Korint 6:10

naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.

Xa peƭit axe 13:7

Leng we kaa mbi’ooxaa jegu too njegee tus, lakas we mat a mbi’ooxaa rool too a njeg halal fa mayu.

1 Timote 6:9

We na kasaƥ-kasaƥnaa na halal, a naanga o yenaa no mbog fo na yuxum akaa o leng a andeerna xoox um fo a caf um. A yuxum akeene koy na njogolaa wiin we no luubax fo na saŋkax.