YEGIL MBAAX NE YEESU ne Lik a bindtuuna 12:2 - NQAARIIT NE ROOG

² Ke singeena fop xan a singtel soo ke ɗasneena fop a ñuqtel.

YEGIL MBAAX NE YEESU ne Lik a bindtuuna 12:2 Referans Kwoze

Mark 4:22

Yaam jegee dara kaa ɗasna, too ñuqitkaand. Jegee itam kunpa fa leng faa ɗasna, too weejilkaand.

YEGIL MBAAX NE YEESU ne Lik a bindtuuna 8:17

Yaam jegee dara kaa ɗasna, too ñuqitkaand. Jegee itam kunpa fa leng faa ɗasna, too weejilkaand, soo a andel.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

O baawaare xe 12:14

No ndigil xan Roog a hate a pi aluu refna, boo no ke ɗasna sax, ta ref paax mbaat paaxeer.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

O leetar ole Pool a bindna GIMU WE NGENNA ROM 2:16

Neene a refitkaa na bes fee Roog a hate’kaa na pexey Kiristaa Yeesu a pi a ƭasne ke no wiin we. Keene refu ke Yegil mbaax ne doxneema a layna.

Yeremi 16:17

Yaam a kid es kaa naang jak na pesoorooƭ den, laqooxiraam, too tooñ den kunpa’iraam.

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.