YEGIL MBAAX NE YEESU ne Lik a bindtuuna 12:19 - NQAARIIT NE ROOG

¹⁹ Cinj kaaga, xam lay na xoox es ee: Wo o laaw es, jegaa paax mayu kaa geekanoona a xoox of boo xa kiid xa mayu. Naagi ñootnooxaa, ñaamaa, yeraa, felakinooxaa!›

YEGIL MBAAX NE YEESU ne Lik a bindtuuna 12:19 Referans Kwoze

Xa peƭit axe 27:1

Ba o fakooxan o feet, yaam andiro ke o feet a rimkaa.

1 Korint 15:32

A soƥangaa yee a qontax jegee, xar taxu um gomir fo ƥaaɓaan kam teeru fee Efees? Ndax wiin taxu um fi’in? Yaaga xar a ɗaxkaxam? A qontax a jegangee kañ, «fat i ñaamaa, yeraa, yaam o feet i nqon».

Esayi 5:11

Sabab took no we na inooxaa nqes teelu, ndax da mbaaƭik maa a yer a qaaɗu a payna soo a njoqooyooxaa boo kam o yeng ole, yaam a mbay nep fa biiñ.

O baawaare xe 11:9

Wo o ndeɓandoong onqe, felakinooxi no ndeƥandoong of. Fat xeeñ of a ɗaay no njaaƈ of. Reefi ke xeeñ of a bugna fo ke a kid of a yuxmaa, ndaa fat o yeg fo and ee no keene fop xan Roog a hate’ong.

Saak 5:5

Nu ñaama o ñoow ole na adna fee kam o neq fo no kuu felna a nuun. Nu yablooxa boo naang neeke naluƈ nen ƥuj kude.

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

Xa peƭit axe 18:11

O jeg ole no yaal halal oxe refu teeru fa njegu saŋe um, ta foog ee a ƭing a saƭku koŋ oo no ten.

A kim a tedu ke 62:10

A woora yee xa ƥiy Aadama nqeñ doŋ a ndefu, xa ƥiy no kiin a ndef cegeer. Den fop a meɗnooxange, a moƴ o yelef nqeñ ne.

Mbeeñil 18:7

Ndoonyo took um ƭomu fo toroxand kaa mbodirna fo o ndam onqe fo o neq ole ta jeg’ina. Kaa layooxaa yee: ‹Kaam moof mene nen o maad o tew. Refiim o ñaaw too andkiim ke ñaaw a refna boo muk.›

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

2 Timote 3:4

Wiin we no ñaal palakaand ke xan a ndef taatas yaakaar itam, a mat a qeeñ, o mbeq den fop a jagin na qoox den, baneex a moƴan a den a Roog.

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

Esayi 22:13

ndaa o ɗaay fo o mbelakinax ndefu meen. Qoox ke we mbareel, paal ke a nqirseel, a tegeƴ ake a ñaameel soo biiñ fee a yereel, nu ndamtin ee: «Fat i ñaamaa, yeraa, yaam o feet i nqon.»

Esayi 5:8

Sabab took no we na siiseeraa pind soo a saltirandaa o qol fo o gend um boo yaa o lakas a jegkateerna maa ta genna, a refangee den soom.

Xa peƭit axe 23:5

A kid of a ngaanangaa teen, ta naag mes, yaam halal o mat kaa saxaa a nafir, a yet fir farna fa asamaan nen a canjiik.

Ke bindeena no xe ne’eena YOB 14:1

O kiin kaa rimel fo o neew doole too waaganee a xoox um dara. O ñoow um kaa raƥ soo a may coono.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

1 Timote 5:6

O ñaaw oxe andoona koy ee kaa ñoowaa na baneex, kaa xon ɗoŋ, ke ta xuƥaa fop oo.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

YEGIL MBAAX NE YEESU ne Lik a bindtuuna 16:19

«A jeg’a o yaal halal oxaa rokooxoogna ndoki daalde fo sooy, too bes fuu refna kaa bumbaayoogu, a ñoowaa o ñoow o felu.

Habakuk 1:16

Kaa ƥoxotaa paal ke den sadax, a ndoxanaa panguuñ ke den cuuraay, yaam na pexey den mbaƥ den a rooftu, soo ñaamel den a naang gañ.

A kim a tedu ke 49:18

Ɓislooxkee dara yaa ta xonna, paax ke ta jegna ndeefkiran.

1 Sami’el 30:16

Naaga, o koor oxaa a ɓisa a Dawid boo no Aa-amalek waa, a soƥa a den da pasaroox kam saax laa fop, a ñaamaa, a yeraa, a mbumbaayaa fo ke da njangalit’ina no saax laa no Fiifilista waa fo laa Yudaa.

Xa peƭit axe 10:2

Kalal ke leweerna ƭaxee tus, o cofel ole mat kaa wataa na fa nqon.

O baawaare xe 2:24

Ke moƴna no kiin refu soom ta ñaamaa, a yeraa, soo a muudoor ke ta ŋus-ŋusinna, ndaa ga’aam ee keene itam no ɓay Roog a hataa.

Esayi 56:12

Kaa layaa yee: ‹Ngaryo i mbaaƭik biiñ, yer a yer a qaaɗu. O feet xan a nand nen a xaye, yaam ke yoqna waagaand tig.› »

Amos 6:13

Kaa nu mbelakinooxan cegeer, soo layaa yee: ‹Ke i njegna, ndax kaa i ndaawtiran no onj in fa doole in?›

YEGIL MBAAX NE YEESU ne Lik a bindtuuna 12:18

Kaa koy, a laya na xoox um ee: ‹Kene warum o fi. Xam yaq tap ke mi, riwatin kaa moƴna o magin. Xam geer teen kaaf es fop fo o jeg es fop.

Xa peƭit axe 14:24

Halal fee kaa ref o ndip no we njegna yiif, o ƥodaxel a ref a ƈang no panxoy ke.