YEGIL MBAAX NE YEESU ne Lik a bindtuuna 12:17 - NQAARIIT NE ROOG

¹⁷ A xalaata taa no yiif um ee: ‹Xar warum o fi, yaam jegiim maa geekuuma saxade le mi?›

YEGIL MBAAX NE YEESU ne Lik a bindtuuna 12:17 Referans Kwoze

Mace 5:42

Ci’i oxe na xeɗang, too ba o xañ oxe na luɓang tig.»

Esayi 58:7

Ten refu itam o xaajir fo xe xeexeena ñaamel of, rool we njegeerna maa njaɓnooxna, o wetan a den mbind of, oxe ɓangdeena, o cooxin ñirax, soo fañ o fes a cinj o pog of.

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

O leetar ole Pool a bindna GIMU WE NGENNA ROM 12:13

Fog nuun no ngim onqe, nu ƈufig a den yaa da ndefna na soxla, ndalnaa a paax we na ngaraa me nuun.

A pi ake 16:30

Cinj kaaga, a suta a den tafil, too a lay ee: «Goor maak, xar warum o fi ndax um muc?»

YEGIL MBAAX NE YEESU ne Lik a bindtuuna 19:17

O yaal mbind um a layaan ee: ‹Jook a njal o tag o paax oxe. Gore’aa no tig neewu, ten taxu xam doxnong teeru xarɓaxay!›

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

YEGIL MBAAX NE YEESU ne Lik a bindtuuna 16:9

Ten taxu mexe layaa a nuun ee: Nqaariitoorityo kalal leweer ke na adna fee, ndax a kasaara’ooxangaa, nu njaɓel kam pind paafkeer kaa.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

A pi ake 2:37

Yaa da nanna fa lay faaga, cer den a ñaaƴa, too a laya a Piyeer fo apootar lakas waa yee: «Fog we, xar i mbaru o mbi?»

YEGIL MBAAX NE YEESU ne Lik a bindtuuna 16:3

O paɗ oxe a laya taa no yiif um ee: ‹O yaal mbind es kaa bug o jaɓ ke ta doxin’axama. Nam um fi’kaa? Ndax kaa um xooxkaa? Kaa koy, jegiim doole um. A sadaxnax koy? Kaaga itam, gaci es oo!

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

YEGIL MBAAX NE YEESU ne Lik a bindtuuna 12:29

Ba nu ndef no mbaaƭaa boog kaa nu ñaamna mbaat kaa nu yerna mbaat kaa nu ñirooxna.

YEGIL MBAAX NE YEESU ne Lik a bindtuuna 12:22

Cinj kaaga, Yeesu a laya daalbe we ten ee: «Ten taxu mexe layaa a nuun ee: Ba o ñoow mbaat ñaamel mbaat ñirax a njaaxɗand a nuun.

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

YEGIL MBAAX NE YEESU ne Lik a bindtuuna 10:25

O caajangin o maak no kebil ke a bug’a o ɗeetloox a Yeesu. A inooxa, a laamtin ee: «O Caajangin oxe, xar warum o fi ndax um jeg o ñoow o fagkeer ole?»

YEGIL MBAAX NE YEESU ne Lik a bindtuuna 3:11

Saŋ a doona a den ee: «Oxuu jegna toki ƭik, fat a coox teen leng oxe jegeerna, oxe jegna kaa ta ñoowitna, a xaajir fo xe jegeerna.»

O baawaare xe 11:2

Xaaji o jeg of no fo mbiñ ɓetuu ƭik mbaat sax no fo ɓetuu tadik, yaam andiro taamaala kum na nqewkaa took lanq ke.

Mace 16:7

Maaga, daalbe we a layra yee: «Ne i saqeerna puuru taxu ta layaa keene.»

YEGIL MBAAX NE YEESU ne Lik a bindtuuna 12:16

Maaga, Yeesu a naxooxa a den ee: «Xa qol no fes o mayu halal a mbat’a mayu.

YEGIL MBAAX NE YEESU ne Lik a bindtuuna 12:18

Kaa koy, a laya na xoox um ee: ‹Kene warum o fi. Xam yaq tap ke mi, riwatin kaa moƴna o magin. Xam geer teen kaaf es fop fo o jeg es fop.