YEGIL MBAAX NE YEESU ne Lik a bindtuuna 12:15 - NQAARIIT NE ROOG

¹⁵ Yeesu a laya a den ee: «Yetooxyo too mbootoox o mbeq halal, yaam o ñoow no kiin refee no jeg halal, kuu ta mayna may halal oo.»

YEGIL MBAAX NE YEESU ne Lik a bindtuuna 12:15 Referans Kwoze

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

Xa peƭit axe 15:16

Jeg halal fa mayu too o laaw of dalee, jeg o ndik too saɗar o Yaal oxe moƴun.

Xa peƭit axe 16:16

Waaƭ o jeg-yiif moƴu wurus, waaƭ o and a moƴ xaaliis fa nqoolu.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

YEGIL MBAAX NE YEESU ne Lik a bindtuuna 16:14

Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

YEGIL MBAAX NE YEESU ne Lik a bindtuuna 8:14

Ax ke samna kam kiƈ ke ndefu we na nanaa fa lay fee Roog. Kaa koy, a qalaat ake fo kalal ke fo a yuxum ake no ñoow ole kaa ngoñaa a den boo mboorkee.

A kim a tedu ke 62:10

A woora yee xa ƥiy Aadama nqeñ doŋ a ndefu, xa ƥiy no kiin a ndef cegeer. Den fop a meɗnooxange, a moƴ o yelef nqeñ ne.

A kim a tedu ke 37:16

Ref o cofu too jeg o ndik moƴu yee o soxod soo jeg kalal pagkatar,

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Mark 7:22

fo ceeq ke fo bug xaaliis fo coxod ne fo naxir ke fo a pi a parƴu ke no cer ke fo ciisir ke fo a ben ake fo a magnandax ale fo o ñak-xoox ole.

Habakuk 2:9

Sabab took no xe na fokatanaa mbind um halal fa leweer, a fi ngenand um took-ee-took, ndax ta daɗ taamaala kuu ndefna!

A kim a tedu ke 10:3

O soxodu xe kaa fakoortaa a yuxum o laaw um. Oxe na ƴufanaa o jeg o xooleer kaa salooxaa o Yaal oxe soo a xaadnooxan.

Ke bindeena no xe ne’eena YOB 2:4

Saytaane a doona o Yaal oxe yee: «O ñis a jara kuu refna. Ke o kiin a jegna fop a jaɓaan o cooxit ndax ta mucil o ñis um.

Yosuwe 7:21

kaam ga’’u no cangale ke sabadoor mosu naa inoorna Sine’aar fo xa monjong teemeed ƭik xaaliis fa nqoolu fo muul wurus laa o meɗel um a fi’na liibar, yaaw a den lool soo xot a den. Ndiiki koy, owaay ɗasnuuma, gas a den ndeer ee ndeer ƭiif es, xaaliis fee a adoox.»

1 Korint 6:10

guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Xa peƭit axe 28:16

O kelwaar oxe moƴna o ɓaataa lukit jegee yiif, oxe na fañaa a pi a paaxeer o mat kaa ɓaataa xa yeng um.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

YEGIL MBAAX NE YEESU ne Lik a bindtuuna 12:16

Maaga, Yeesu a naxooxa a den ee: «Xa qol no fes o mayu halal a mbat’a mayu.

1 Maad we 2:40

Simey a inooxa, a humin o faam ole ten, a ret Gaat maa Akiis a xotik surga ke ten. Maaga, a reta boog, a xottiid surga ke ten Gaat.