YEGIL MBAAX NE YEESU ne Lik a bindtuuna 12:1 - NQAARIIT NE ROOG

¹ Na waxtu faaga, wiin cuni-cuni a mbokatoora, a ndakraa. Yeesu a fera o maƭoox daalbe we ten, too a lay a den ee: «Mbootooxyo poɗaxnir ke no Farisiya we! Kaa tekit yememaar.

YEGIL MBAAX NE YEESU ne Lik a bindtuuna 12:1 Referans Kwoze

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

YEGIL MBAAX NE YEESU ne Lik a bindtuuna 12:56

Yememaar we nu ndefna! Xar taxu nu mbaag o njekit ke na xewkaa a lanq fo na asamaan, too nu mbaagee o njekit jamaane fene sax?»

Ke bindeena no xe ne’eena YOB 36:13

Gimaƭaru we o mat kaa ndamaa fuux den. Naangee o ƈufginooxaa a Roog, yaa ta jengna a den sax.

Ke bindeena no xe ne’eena YOB 27:8

Yaakaar num o kimeer oxe a yoqɗu, yaa o ñis um a dayna, yaa Roog a xuufna o ñoow um?

Ke bindeena no xe ne’eena YOB 20:5

o ndam no soxodu xe miñee, o ɗaay no xe a ƭat um a yongeerna na Roog goƭee?

2 Maad we 7:17

O maad oxe kaa doxin’u a jawdiin fee ten a yetax ale no don-maax olaa na teeru faa. Kaa koy, faan le ndiñroogna no don-maax ole a ndakaan bo ta xon, ne o kiin Roog oxe a layit’uuna, ye o maad oxe a garna me ten.

1 Korint 15:3

Pitik, kaam jangin a nuun ke daawuuma, ta ref ke moƴna o jeg o njiriiñ. Ten refu yee: Kaa Kiristaa a xon yaam pakaad in, ne a Pind a Tedu ke laytuuna,

A pi ake 21:20

Ye da nanna kaaga, a simata a Roog. Cinj kaaga, a laya a Pool ee: «O pog in, ga’aa gimu cuni-cuni we inoorna na ƭat ale no Yaawuur we. Boo xaye kaa njaflax den fop no kebil ke Moyiis.

YEGIL MBAAX NE YEESU ne Lik a bindtuuna 11:44

Ndaw sabab took nuun! Yaam kaa nu nand fo poy kaa ƭasna, wiin we a ndakaa a den, too andkiran.»

YEGIL MBAAX NE YEESU ne Lik a bindtuuna 6:17

Maaga, Yeesu a fudoortiida no joong olaa, a gar no joor fee, a yoon fo apootar we ten. Daalbe mayu fo wiin lakas mayu a inooriid’a muu refna na Yudee fo na Yeerusaleem boo no teeru maak kaa Tiir fa Sidoŋ a ndabiid a Yeesu.

YEGIL MBAAX NE YEESU ne Lik a bindtuuna 5:15

Gon um a moƴ’a o joot. Wiin we kaa mbi’iidoogu o yuuƥ, a ngaraa maa ten, ndax da nan-gilooxin, too a mbodandel na cir ake den.

YEGIL MBAAX NE YEESU ne Lik a bindtuuna 5:1

Bes, Yeesu a reeƭa paam o Maag olaa Genesaret, too faan maak a ndeeraan, ndax da nan-giloox fa lay fee Roog.

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu