YEGIL MBAAX NE YEESU ne Lik a bindtuuna 11:53 - NQAARIIT NE ROOG

⁵³ Yaa Yeesu a sutooxna o mbiñ onqaaga, jaajangin waa no kebil kaa fo Farisiya waa a ndalfooxa o ndef no nqasooxanan, a laamtan tig mayu.

YEGIL MBAAX NE YEESU ne Lik a bindtuuna 11:53 Referans Kwoze

1 Korint 13:5

O mbeq rokkee no qoolaƭaru, naagee o gindaa ke faaxna no ten soom, naagee o xaadooxaa, naagee o geekaa o njaaku kam.

YEGIL MBAAX NE YEESU ne Lik a bindtuuna 20:27

Leng-leng no Sadusiya waa na layaa yee a qontax jegee, a matiida a Yeesu, soo a laamtin ee:

YEGIL MBAAX NE YEESU ne Lik a bindtuuna 20:20

Kaa ngayoogu a Yeesu. A lula wiin waa mbi’ooxoogna nen jofu, ndax da mbogin. A cungooga ta juum no ɗelem, ndax da mbaagin o ƥoxot haahate waa fo gofornoor faa.

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

YEGIL MBAAX NE YEESU ne Lik a bindtuuna 11:52

Ndaw sabab took nuun, nuun jaajangin maak we no kebil ke, yaam nu njanga o jaafu le, mbegtin o and ole. Nuun fa qoox nuun, nu ndokee, soo yaqanaa we mbugna o ndok da ndokiid.»

YEGIL MBAAX NE YEESU ne Lik a bindtuuna 11:54

Kaa mbug’un o mbog too a cungaa ta juum no ɗelem.

A pi ake 26:9

Mi fa xoox es sax, kaam xalaatoogu yee wareem o gomir no kuu refna, ndax um ñuf gon le Yeesu o Naanasaret oxe.

2 Korint 8:6

Ten taxu i nqeɗa a Tiit ta gar me nuun, a muuk ke ta fer’ina, ndax ta dimle a nuun, nu mbadand calel paaxu keene.