YEGIL MBAAX NE YEESU ne Lik a bindtuuna 11:42 - NQAARIIT NE ROOG

⁴² Kaa koy, ndaw sabab took nuun, nuun Farisiya we! Kaa nu cooxtaa a seek xarɓaxayandeer ale na naana fee fo no tuufe-duufe ke nuun moƴna o neew too njaree tig, soo koy nqaƴ o cofel ole fo o mbeq onqe Roog. Keene kaa jareena o fi oo, ndaa waree o tax nu yapatil tig lakas ke itam.

YEGIL MBAAX NE YEESU ne Lik a bindtuuna 11:42 Referans Kwoze

Mace 23:23

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu cooxtaa a seek xarɓaxayandeer ale na naana fee fo na fasaaƥ fee fo na kaane fee, soo koy nqaƴ ke moƴna jeg o njiriiñ no kebil ke, ta ref o cofel fa yirmande fo o ngim. Keene kaa jareena o fi oo, ndaa waree o tax nu yapatil tig lakas ke itam.

YEGIL MBAAX NE YEESU ne Lik a bindtuuna 18:12

Naagaam o hooraa a caf a ƭak bes fa dakooxiidu fuu refna, cooxtaa a seek xarɓaxayandeer ale na halal es.›

1Saŋ 4:20

O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

Malaki 3:8

um doon a nuun ee: Ndax o kiin a waaga o guuɗ a Roog? Yaag oo toox de, kaa nu nguuɗaxam soo laamtaa yee: «Xar i nguuɗang?» Na seek xarɓaxayandeer ake fo no sadax ke nu ƥoxotaxam o mat nu nguuɗtaxam.

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.

Xa peƭit axe 21:3

Fi’aa a pi a cofu fo a ƭat moƴanu o Yaal oxe sadax ke.

Mace 23:27

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu nand fo poy kaa ndan-gineena, boo took fee a mos bo, too yaaga fop oo kam fee kaa may fo xa kiiƈ no xon fo qooleer kuu refna.

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

YEGIL MBAAX NE YEESU ne Saŋ a bindtuuna 5:42

Andaam a nuun a paax: Nu mbexee a Roog na qeeñ nuun.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Malaki 2:17

Kaa nu nqijlaa o Yaal oxe na xa ƭelem nuun soo laamtaa yee: «Na xar i nqijlan?» Ten refu, yaa nu layaa yee: «We na mbi’aa paaxeer a mbaaxa na kid no Yaal oxe, too kaa fartaa a den.» mbaat nu ndamtin ee: «Taa Roog fee no cofel ole?»

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

O baawaare xe 7:18

A faaxa, ndax o dam keene, too baa kaana a ɓostooxong. Oxe saɗarna a Roog kaa sutooxaa no keene fop.

Nehemi 10:37

soo ƥoxot teen taaw koor ke in fo ke no cegel ke in, ne ta bindteena no kebil ke. Xan i ƥisiid itam kam Mbind ne Roog in taaw ke na xa siir axe in fo ke na ked ake, ndax i ƥoxot a den saasadax we na mbadnaa o far den kam Mbind ne Roog in.