YEGIL MBAAX NE YEESU ne Lik a bindtuuna 11:4 - NQAARIIT NE ROOG

⁴ Waasani a in pakaad in, yaam kaa i mbaasanaa we tooñna a in. Ba o waas a in, i ndok no mbog!»

YEGIL MBAAX NE YEESU ne Lik a bindtuuna 11:4 Referans Kwoze

Mace 26:41

Yetooxyo too nqeɗ ndax nu yenkee no mbog. Yiif le a jagandooxa, ndaa cer ke kaa ngees.»

Kolos 3:13

Naangyo muñanraa. A soƥangaa koy ee o kiin na nuun a saqana o lakas tig, fat nu mbaasanir. Fat nu mbaasanritaa, ne Kiristaa a waasanitna a nuun.

Mace 18:35

Neene Faap es fee na asamaan a fi’kaa a nuun, yaa oxuu refna na nuun a waasaneerna o pog um fo xeeñ letu.»

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

2 Timote 4:18

Xan o Yaal oxe a muclaam no pariƴ kuu ndefna, a muclaam ndax um rok no Maat um naa na asamaan. Yaasam ta ɓoxotel o ndam bo na moos boo moos. Amiini.

2 Tesalonik 3:3

O Yaal oxe gore’na, xan a saƭkand a nuun, soo a saytoox a nuun no paaxeer oxe.

1 Korint 10:13

Nu ƭeetlooxkaand ƭeetlax naa o kiin a mosaandeena o ɗeetloox, too Roog fee refna gor xaƴkee a nuun, nu sipanel ƭeetlax naa hupna a nuun doole. Kaa xaƴaa nu ƭeetlooxel, ndaa a naaga o soƥaa ta jagand yaaga naa nu sutoorna teen, ndax nu ngatil ƭeetlax keene.

YEGIL MBAAX NE YEESU ne Saŋ a bindtuuna 17:15

Xeɗiim koy, ndax o sut a den adna fee, ndaa o saytoox a den no paaxeer oxe.

YEGIL MBAAX NE YEESU ne Lik a bindtuuna 22:46

Yeesu a laya a den ee: «Xar taxu nu ƭaanaa? Inooxyo too nqeɗ, ndax nu yenkee no mbog.»

YEGIL MBAAX NE YEESU ne Lik a bindtuuna 8:13

Ax ke samna no ƭeŋkeleer ne tektu wiin we andoona yee kaa nan fa lay fee, a njaɓin ndak fo ndak fo o ɗaay, ndaa koy njegee a paƴ na den sax sax. A pe a leng-leng soom a ngimaa, ndaa ƭeetlax ke a ngarangaa, kaa ndalfooxaa o mbes o ngim onqe a cinj.

Hoose 14:2

Wo Isra’el, nomtooxiidi me no Yaal oxe Roog of, yaam tooñ of a maafaang junjang.

Dañel 9:19

O Yaal oxe, nan-gilooxi a in! O Yaal oxe, waasani a in! O Yaal oxe, rungi nof of! Wo Roog es, ñofi ƴufig teeru fee fa xeet fee jegoodoona, ndax gon of a niwel!»

A kim a tedu ke 25:18

Ga’i o ñaat es fo coono es, too waasanaam pakaad es fop.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

A kim a tedu ke 121:7

Xan o Yaal oxe a saytooxong no paaxeer kuu ndefna, a saytoox o ñis of.

A kim a tedu ke 25:11

O Yaal oxe, waasanaam tooñ es yaam oxe refoona, tooñ es ke mayna lool.

1 Maad we 8:36

nan-giloorti a den na asamaan, waasanit pakaad no dag of ndefna ndef Isra’el fee xeet of. Aqatini a den a ƭat a paax ale da mbarna o ndeef soo deɓiid no lanq ke ci’oona xeet of nen lam.

1 Maad we 8:34

nan-giloorti a den na asamaan, waasan a Isra’el fee xeet of pakaad den soo nomtiid a den no fiisel ole ci’oona daan den.

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

YEGIL MBAAX NE YEESU ne Lik a bindtuuna 11:5

Yeesu a layahina a den ee: «A soƥangaa yee o leng na nuun kaa jeg a xaariit, oxeene a soƥiidin no mbind um o yeng o njeek, ndax ta layin ee: ‹Xaariit es, ɓandaam puuru tadik.

YEGIL MBAAX NE YEESU ne Lik a bindtuuna 13:4

Ndi kaa nu mboog ee wiin xarɓaxay fo ɓetuu daduk we, taax maak naa Silowe a yen’ina took den boo a war a den, moƴ’u o ndef baabakaad wiin lakas we Yeerusaleem fop?