YEGIL MBAAX NE YEESU ne Lik a bindtuuna 11:36 - NQAARIIT NE ROOG

³⁶ Boo cer of fop a nqoolna, too njegee o niɓaan o leng, xan a nqoolit nen o jam olaa xoolandoonga.»

YEGIL MBAAX NE YEESU ne Lik a bindtuuna 11:36 Referans Kwoze

Xa peƭit axe 20:27

Haaƭ no kiin kaa ref o lampa no Yaal oxe, a ɓaalaa boo kam ee kam no kiin.

Xa peƭit axe 6:23

Xa as axe kaa ndef o lampa, a cangin ale a ref a qoolaand, soo xa soqanqol axe a ngeekaa na ƭat ale no ñoow ole.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Xa peƭit axe 1:5

Xan a nqooɗin o and ole no cegu yiif oxe, a njootin o ƈiƴu xe no ñoow um.

Saak 1:25

Oxuu doonna a kid um no kebil ndeyu ne Roog na wataa wiin we, a saƭik teen, a gayan, a fañ o weec ke ta nanna, xan Roog a barke’in yaam ke ta fi’na.

Hebre 5:14

Ñaamel meɗu ke o mat, maak we njegun, ta ref we naaɓna a yiif den, ndax da mbaag o njektirand ke faaxna fo ke faaxeerna.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Mace 13:52

A dakooxa o lay a den ee: «Ten taxu boog, o caajangin no kebil ke Moyiis, a refangaa o taalbe no Maat ne na asamaan, kaa nand fo o yaal mbind oxaa na suttaa no ngeekand um qas fo kiid.»

Hoose 6:3

Fat i mbaaƭ maa i anditna o Yaal oxe, a kar um kaa woorit nen mbeet. Xan a gar na in nen mbuyaam, nen a teƥ ndiig ale na xuƥandaa lanq ke bo dee sap.»

Esayi 42:16

Xam ñaaƴnoor fuul we na ƭat alaa da and’eerna, ɗox a den na qal akaa da mos’eerna o ndeef. Xam suptan a den o niɓaan ole a qoolaand, soo a qalnqaluuƈ ake, um fodrand a den. Keene refu ke um fadinkaa, too dakooxkiim teen a cinj.

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

Mace 5:15

O leng heƥandkee o lampa boo a ƴut, soo a sagin a saxal. Kaa ɗagan kañ, ndax ta waag o xooland ke refna na ndok ale fop.

YEGIL MBAAX NE YEESU ne Lik a bindtuuna 11:35

Wootooxi boog yaam ndik a qoolaand ale refna na wo a ref o niɓaan.

YEGIL MBAAX NE YEESU ne Lik a bindtuuna 11:37

Yaa Yeesu a ƴutna fa lay, o Farisiya a xoyaan a put no mbind um. A roka, too a reera fo ten.