YEGIL MBAAX NE YEESU ne Lik a bindtuuna 11:34 - NQAARIIT NE ROOG

³⁴ A ngid of refu o lampa cer of. Ñiiñax a ñaaƴangee a ngid of, xan cer of fop a nqool. Kaa koy, boo andoona yee ñiiñax a ñaaƴa a ngid of, cer of fop xan a nuk.

YEGIL MBAAX NE YEESU ne Lik a bindtuuna 11:34 Referans Kwoze

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

A kim a tedu ke 119:18

Weti a kid es, ndax um ga a paax comlaand ke na cangin of.

Kolos 3:22

Nuun faɗ we, nananyo yaal pind nuun no kuu refna na adna fee. Keene koy, baa ref soom na kid den nen waa na mbaaƭaa kaa felna wiin we. Fat nu mbi’an fo xeeñ galagee dara lakas, a refangee o saɗar o Yaal oxe.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

Mark 4:12

Neene, a naangangaa o ƭeetaa, nga’kee, too a naangangaa o nanaa itam, andkee, yaam ndik da saktoox na Roog, soo a mbaasanel pakaad den.»

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

Mark 8:18

Nu njega a kid, xar taxu koy nu naangee o nga’aa? Nu njega nof, xar taxu nu naangee o nanaa? Ndax nu mbetandooxee?

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

A pi ake 13:11

Ndiiki koy, o ɓay no Yaal oxe xe took of. Xan o fuul. Ga’katiro njeeƈ ne sax boo a pe a leng-leng.» Ndak fo ndak, a kuy fo o niɓaan a muura a kid ake Elimaas, too a naaɓooga oxaa damuuna no ɓay ndax ta ɗoxin.

Esayi 29:10

yaam o Yaal oxe kaa ɓek na nuun yiif ɗaaɗaan, a fuulin a kid nuun ndefna duleer we soo a muur xoox nuun refna ɗeet we.

Esayi 6:10

Ŋajnoori xeet feene, sux nof den soo mup a kid den, yaam ndik da nga’it a kid den, a nanit nof den, a andit a qeeñ den, soo a saktooxiid me mi, a mbodandel.»

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

Efees 6:5

Nuun faɗ we, nananyo yaal pind nuun na adna fee no kuu refna. Saɗaryo a den, too niw a den fo xeeñ galagee dara, nen Kiristaa nu mbi’anan.

A pi ake 2:46

Bes fuu refna, kaa mbokatooroogu no Mbind Roog ne, a mbogaa mbuuru ne kam pind ke, a ñaamaa fo o mbeq fo xeeñ yelefu,

Mark 7:22

fo ceeq ke fo bug xaaliis fo coxod ne fo naxir ke fo a pi a parƴu ke no cer ke fo ciisir ke fo a ben ake fo a magnandax ale fo o ñak-xoox ole.

Esayi 42:19

An fuulu, a refangee o tag es? An ramu nen o tuleer oxe hebluuma? Iyo, an fuulu nen oxe na jo’tanaxam, an ramu nen o tag oxe no Yaal oxe?

Xa peƭit axe 28:22

Oxe buge’na kaa gindaa halal too andee koy ee ndool na ɓeedan.

Mberaand 19:11

Cinj kaaga, a mbuulanda we ndiirooxoogna ndokiid fop, maak fo xa caaƈ, boo o leng na den andatee me a carind ale a farna.

Xa peƭit axe 21:4

O ɗeet nga’yaamoo fo o felnax, o jam oleene no soxodu we bakaad doŋ oo.

Esayi 5:20

Sabab took no we na nqoyaa paaxeer ke paax, soo paax, da nqoyan paaxeer. Kaa njangit o niɓaan ole a qoolaand, soo a qoolaand ale, da njangtin o niɓaan. Qaaɗu ke kaa ref na den pelu, soo pelu ke a ref qaaɗu.

YEGIL MBAAX NE YEESU ne Lik a bindtuuna 11:35

Wootooxi boog yaam ndik a qoolaand ale refna na wo a ref o niɓaan.