YEGIL MBAAX NE YEESU ne Lik a bindtuuna 11:29 - NQAARIIT NE ROOG

²⁹ Yaa wiin waa a moƴna o mayaa, Yeesu a laya a den ee: «Xeet fa soxodu fene oxe xeɗaa o anddiloor. Kaa koy, Roog ci’kee a den o anddiloor o lakas olaa refeerna ole Yoona.

YEGIL MBAAX NE YEESU ne Lik a bindtuuna 11:29 Referans Kwoze

YEGIL MBAAX NE YEESU ne Lik a bindtuuna 11:16

Maaga, lakas we a mbug’aan o mbog, too a laamtaan ta fi o anddiloor olaa inoorna na asamaan.

1 Korint 1:22

Kaa Yaawuur we a ngaptaa xa anddiloor, Geegeres we a ƥaalaa o jeg-yiif,

YEGIL MBAAX NE YEESU ne Lik a bindtuuna 12:1

Na waxtu faaga, wiin cuni-cuni a mbokatoora, a ndakraa. Yeesu a fera o maƭoox daalbe we ten, too a lay a den ee: «Mbootooxyo poɗaxnir ke no Farisiya we! Kaa tekit yememaar.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

YEGIL MBAAX NE YEESU ne Saŋ a bindtuuna 6:30

A layahinaan ee: «O anddiloor olum o fi’kaa koy boo i nga’ood, ngim na wo? Xar o fi’kaa fi?

YEGIL MBAAX NE YEESU ne Saŋ a bindtuuna 2:18

Yaawuur we a layaan ee: «Wo o mat, o anddiloor olum waago o fi na kid in boo ta lal a in ee jegaa sañ-sañ o fi kene?»

YEGIL MBAAX NE YEESU ne Lik a bindtuuna 11:50

Neene, fo’oy laa no duleer waa mbar’eena no mberaandoong adna xan a yen took wiin we ndiiki,

YEGIL MBAAX NE YEESU ne Lik a bindtuuna 9:41

Yeesu a doonaan ee: «Xeet fa ƥoowu, too a ngimaƭar! Kaam refkaa fa nuun boo a mban? Kaam ee kaam gadooxkaa a nuun boo a mban? Ɓisiidaam meeke o ƥeenqe!»

Mark 8:38

Oxuu sedaxama, a sed fa lay es ndeer xeet fene na seeqaa, too a mbakaadaa, xan o Ƥeenqe no kiin oxe a sedin yaa ta garkaa kam o ndam Faap um, a yoon fo malaaka tedu ke itam.»

Mace 3:7

Yaa Saŋ a ga’na Farisiya waa fo Sadusiya waa a ngaraa ndax da mbatiise’el, a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

Heseki’el 24:24

Heseki’el xan a ref na nuun o anddiloor. Xan nu mbesoor deŋ ne ta fesooritna. Yaa keene a xewkaa, xan nu and ee mi refu o Yaal oxe na refkaa boo faw.› »

Yoona 1:1

Keeke refu fa lay fee o Yaal oxe a daawinna a Yoona fee o ƥiy Amitay: